Qazaqstanda JRVI aýrýymen syrqattanǵan naýqastar sany 1,2 esege azaıdy - QR Densaýlyq saqtaý mınıstrligi

dep habarlaıdy QR Densaýlyq saqtaý mınıstrliginiń baspasóz qyzmeti.

Apta saıynǵy qadaǵalaý monıtorıngine sáıkes JRVI-men syrqattanýshylyqtyń asqyný shegi aǵymdaǵy jyldyń 7 aqpany kúni boldy jáne 15600 adam, onyń ishinde tumaýmen aýyrǵan 26 adam tirkeldi. Qazirgi kezde syrqattanýshylyqtyń deńgeıi barlyq jerde 1,2 esege tómendegeni baıqalady jáne 13880 adam JRVI-men jáne 19 tumaýmen syrqatttaný jaǵdaılary kezdesti.

Aýyrǵan adamdardyń negizgi úlesin 14 jasqa deıingi balalar quraıdy, soǵan baılanysty aýmaqtyq memlekettik sanıtarlyq-epıdemıologııalyq qadaǵalaý basqarmalaryna bilim berý basqarmalarymen birlesip mektepke deıingi jáne jalpy bilim berý uıymdarynda sanıtarııalyq-epıdemııaǵa qarsy (profılaktıkalyq) is-sharalar keshenin kúsheıtý tapsyryldy.

Medıtsınalyq uıymdarda profılaktıkalyq is-sharalar kesheni kúsheıtildi. Maska rejimi engizildi, statsıonarlardaǵy naýqastarǵa kelýge shek qoıyldy.

Halyqaralyq áýejaılardyń sanıtarlyq-karantındik pýnktterinde qolaısyz elderden keletin adamdardyń dene qyzýyn ólsheýge arnalǵan teplovızorlar men pırometrlerdiń qajetti sany ornatyldy.

DDU-nyń boljamy boıynsha JRVI-nyń jáne tumaýdyń epıdemıologııalyq úderisiniń qarqyndylyǵynyń barlyq jerde tómendeýi 2011 jylǵy naýryz aıynyń basynda kútiledi.

QR Densaýlyq saqtaý mınıstrligi basqa elderdegi, onyń ishinde Qazaqstanmen shekaralas elderdegi JRVI-men jáne tumaýmen syrqattanýshylyq boıynsha jaǵdaıdy turaqty baqylap otyrady.

Reseı Federatsııasynyń kóptegen sýbektilerinde JRVI-men jáne tumaýmen syrqattanýshylyq turaqtandy nemese tómendeı bastady.