Qazaqstanda josparly medıtsınalyq kómek kezeń-kezeńimen jandanady - Tsoı
«Memleket basshysynyń tapsyrmasyna sáıkes Densaýlyq saqtaý mınıstrligi josparly medıtsınalyq, sonymen birge joǵary tehnologııaly kómek kórsetýdi kezeń-kezeńimen iske qosý jobasyn ázirledi. Jospar boıynsha, bul qyzmet halyqqa az beıindi profılde qyzmet kórsetý men COVID-19 indetine qarsy medıtsınalyq uıymdardyń dárejesine qaraı eki kezeńmen qalpyna keledi», - dedi Alekseı Tsoı Úkimet otyrysynda.
Mınıstr statsıonarlardaǵy tósek-oryn tolymdylyǵy - 50 paıyz ekenin, dezınfektsııalyq óńdeýden keıin sanıtarlyq-epıdemıologııalyq talaptardyń saqtalýymen profıldi jáne josparly tósek-oryn sany 50 paıyzǵa artatynyn jetkizdi.
«Mınıstrlik jergilikti atqarýshy organdarmen birlesip, Memleket basshysynyń epıdemıologııalyq jaǵdaıdy turaqtandyrý jónindegi tapsyrmasyn sapaly júzege asyrý boıynsha sharalar keshenin ázirleýde», - dedi Tsoı.
