Qazaqstanda JOO-lardy lıgalarǵa bólý kerek – Prezıdent
NUR-SULTAN. QazAqparat – QR Prezıdenti Qasym-Jomart Toqaev joǵary oqý oryndaryn lıgalarǵa bólip, básekelestikti arttyrýdy usyndy, dep habarlaıdy QazAqparat tilshisi.
«Biliktilik talaptaryn kúsheıtý arqyly pedagogıkalyq mamandyqtar boıynsha kadr daıarlaıtyn joǵary oqý oryndary men kolledjderdiń beıimdenýin qamtamasyz etý qajet. Jalpy, muǵalimder arnaıy ýnıversıtetterde oqytylyp, ázirlenýi kerek», - dedi Memleket basshysy Ulttyq qoǵamdyq senim keńesiniń onlaın formattaǵy 3-otyrysynda.
Prezıdent bul baǵytta Bilim jáne ǵylym mınıstrliginiń tıisti sheshim qabyldaryna senim bildirdi.
Negizinde, ýnıversıtetterimizdiń fýtboldaǵydaı shartty túrde lıgalarǵa bólinýin qoldaımyn. Óıtkeni fýtboldaǵydaı 1,2,3 lıgalarǵa bólinip, bir-birimen jarysyp, básekelese alar edi. Jalpy alǵanda bilim berý, ekonomıka nemese basqa da salalarda báseke qarqyndy damýǵa jol ashyp, yntalandyra túsedi», - dedi Qasym-Jomart Toqaev.
Aıta keteıik, QR Prezıdenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń úshinshi otyrysy ótti. Kezekti otyrys adamı kapıtaldy damytýǵa, atap aıtqanda, bilim berý, densaýlyq saqtaý máselelerine arnalǵan.
