Qazaqstanda JOO-da oqytý formaty qalaı ózgeredi – Saıasat Nurbek
«Qazir otandyq ǵylymnyń negizgi problemasy – ǵylymı zertteýlerimiz, júzden astam ǵylymı-zertteý ortalyqtarymyz, ǵylymı ınstıtýttarymyz JOO-ǵa negizdelgen tehnopark pen ǵylymı zertteýler, ónerkásip, óndiris, naqty kompanııalardyń talaptarymen, óndiristik protsestermen ushtastyrylmaǵan. ıAǵnı, ǵylym óz betimen, óndiris óz betimen, ekonomıka óz betimen júr. Sondyqtan ǵylym salasynda da bizdiń negizgi maqsatymyz – osy eki dúnıeni ushtastyrý. Otandastarymyzǵa qarapaıym suraq qoısaq – qazaqstandyq ǵylymǵa senesiz be dep surasaq, ókinishke oraı, joq degen jaýap alamyz. Sol senimdi qaıtarýymyz kerek. Ǵalymdardy jańa keıipkerler retinde olardyń mártebesin qaıtarýymyz kerek», - dedi Saıasat Nurbek QR Prezıdenti Teleradıokesheniniń «3 suraq» baǵdarlamasynda.
Sonymen birge, Ǵylym mınıstri JOO-lardy zertteý jáne qoldanbaly zertteý ortalyqtaryna aınaldyrý qajettigin aıtty.
«Nege deseńiz, qarapaıym adam mektepte 11 jyl oqıdy, bul – pedagogıkalyq model. Al ýnıversıtetke kelgende pedagogıkalyq emes, zertteý modelimen jumys isteý kerek. ıAǵnı onda zertteýdi, izdenýdi, synı oılaýdy, aqparatpen jumys isteýdi úıretip, eńbek naryǵyna daıyndaýymyz kerek. Al bizde 70-80 paıyz ýnıversıtette – sol dáris, sol synyp, taqtaǵa shyǵarý, úı jumysyn tekserý. Sondyqtan bul model ózgerýi kerek. Kelesi jyldan bastap, biz eń myqty JOO negizinde arnaıy ortalyqtar ashamyz. ıAǵnı 120 JOO-ny bir sátte, bir jylda kóshirý qıynǵa túsedi, ondaı resýrsymyz joq. Biraq biz pılotty túrde ár óńirde 2-3 bilim oshtaqtarynan bastap, zertteý modeline kóshirýdi bastaımyz. ıAǵnı, mazmuny, ádistemesi, bilim berý modeli ózgerip, endi JOO-lar qoldanbaly ǵylymmen aınalysatyn modelge kóshedi. Kelesi jyldan bastap, alty óńirlik ýnıversıtet negizinde tehnoparkter ashamyz, ıaǵnı sol JOO-da bilim bergen professorlar, magıstranttar, doktoranttar, bakalavrlar ózderi kúndelikti bilim alyp qana qoımaı, zertteýmen de aınalysýy kerek. Tehnopark arqyly, patent arqyly sol zertteýlerdi qoldanbaly zertteýlerge aınaldyryp, jergilikti bıznes, jergilikti óndiris oshaqtarynyń problemalaryn sheshýge baǵyttalýy kerek», - dep túsindirdi Saıasat Nurbek.
Buǵan deıin Saıasat Nurbek Ǵylym mınıstrligi qalaı qurylǵanyn aıtyp bergen edi.
