Qazaqstanda joldar pılotsyz kólikterge beıimdelip jatyr

ASTANA. KAZINFORM — Kólik mınıstri Nurlan Saýranbaev Úkimet otyrysynda joldardyń tsıfrlyq pasportyn jasaý ne úshin qajet bolǵanyn aıtty.

— «e-Joldar» platformasynyń aıasynda joldardyń tsıfrlyq pasporttary jasalyp jatyr. Bul keleshekte pılotsyz kólik quraldaryn engizýge múmkindik beredi, — dedi ol.

Mınıstr jyl saıyn JI kómegimen jolǵa dıagnostıka jasaý tájirıbesi keń etek jaıyp kele jatqanyn aıtty.

— Jol tósemin saqtaý úshin 220 avtomattandyrylǵan ólsheý stantsııasy ornatylady. Qazir onyń 71-i iske qosylǵan, — dedi Nurlan Saýranbaev.

Buǵan deıin 2026 jyly elimizde pılotsyz taksı qyzmeti iske qosylatynyn jazǵan edik. 

Sonymen qatar Qazaqstan arqyly ótken júk tranzıti 29 mln tonnadan asqany belgili boldy.