Qazaqstanda joldaǵy qaýipsizdik salasynda tez áreket etetin kóshpeli keshender paıdalanylmaq

ASTANA. QazAqparat – QR Іshki ister mınıstriniń orynbasary Igor Lepeha joldaǵy qaýipsizdikti qamtamasyz etý baǵytynda tez áreket etetin keshenderdiń paıdasy týraly aıtty, dep habarlaıdy QazAqparat tilshisi.

«Joldaǵy kólik qozǵalysy erejelerin oryndamaý derekterin anyqtaý úshin tez áreket etetin keshenderdi paıdalana bastadyq. Qazir osyndaı kóshpeli keshenderdiń sany 80-nen asty. Biraq elimizdegi barlyq joldy qamtý múmkin emes», - dedi Igor Lepeha joldaǵy qaýipsizdik salasynda jańa tehnologııalardy paıdalaný taqyrybyndaǵy forýmda

Onyń aıtýynsha, mundaı keshender birqatar joldyń boıynda aýqymdy jumystarǵa jumyldyrylǵan.

«Qazir Aqmola oblysy boıynsha aıtsaq, osyndaı eki-úsh kólik buryn patrýldik polıtsııanyń tutas bir vzvody atqarǵan jumysty tolyǵymen qamtyp otyr. Qazir polıtseıdiń joldyń boıynda turyp, avtokólikti toqtatýdyń qajet joq», - dedi mınıstrdiń orynbasary.

Budan buryn habarlanǵandaı, keıingi 12-15 jylda avtokólik sany 3 mln-nan 5 mln-ǵa deıin artty.

Sonymen qatar, I. Lepeha elektr samokattyń jyldamdyǵy saıabaq aýmaǵynda avtomatty túrde báseńdeýi kerek ekenin aıtty.