Qazaqstanda jolbarys beınelengen bank kartasy shyǵarylady
ASTANA. KAZINFORM — Qazaqstanda 2027 jyly jolbarys beınelengen bank kartasyn shyǵarý josparlanyp otyr. Bul týraly Freedom Holding Corp. bas atqarýshy dırektory Tımýr Turlov aıtty.
Jańa karta Qazaqstanda jolbarystardy qaıta jersindirý jobasyna oraı shyǵarylmaq. Kompanııa «Freedom Shapaǵat» korporatıvtik qory arqyly elde jolbarystardy qaıta kóbeıtý baǵdarlamasyna qoldaý kórsetip keledi.
— 2027 jyly Freedom kompanııasy jolbarys beınelengen «Turan» atty arnaıy bank kartasyn shyǵarýdy josparlap otyr. Karta arqyly tólem jasaǵandarǵa 10 paıyz keshbek beriledi. Bul bastama Qazaqstanda jolbarystardy kóbeıtý jobasyn uzaq ýaqyt qoldaýǵa baǵyttalǵan. Osylaısha, bank klıentteri de tabıǵatty qorǵaýǵa jáne jolbarystardy qalpyna keltirý jumysyna úles qosa alady, — dedi ol.
Atap aıtqanda, kompanııa qazaqstandyq mamandardyń Reseıde bilim alýyna, «Іle-Balqash» rezervatyna qajetti jabdyqtar satyp alýǵa jáne jolbarystardy tasymaldaýǵa kómektesken.
Eske salaıyq, bıyl «Іle-Balqash» memlekettik tabıǵı rezervatyna Úmit jáne Amýr atty eki jolbarys tabıǵı ortaǵa jiberildi. Qazaqstanda bul jyrtqyshtar 70 jyldan astam ýaqyt boıy kezdespegen edi.
Buǵan deıin Qazaqstanǵa ákelingen alǵashqy jolbarys óz betinshe ań aýlap júrgenin jazǵanbyz.
