Qazaqstanda jolaýshylar poıyzyna bılet satyp alýdyń jetilgen júıesi iske qosylady
NUR-SULTAN. QazAqparat - 2019 jyldyń 1 shildesinen bastap Qazaqstanda jolaýshylar poıyzyna jol júrý bıletterin satyp alýdyń jetildirilgen júıesi iske qosylady. Bul týraly «Jolaýshylar tasymaly» AQ baspasóz qyzmeti málim etti, dep habarlaıdy QazAqparat tilshisi.
«2019 jyldyń 1-shi shildesinen bastap kompanııa tasymaldaıtyn barsha baǵyttarǵa elektrondy jol júrý bıletteri jańa avtomattyndyrylǵan jáne zaman talabyna saı jetildirilgen júıe arqyly satylady. Bul júıe jolaýshylardyń qaıtarǵan bıletterin belgilengen ýaqyt aralyǵynda ǵana satylymǵa shyǵarady. ıAǵnı alyp-satarlarǵa jemqorlyqpen aınalysýǵa bóget bolady. Jańa júıeniń enýi bılet qunyna áser etpeıtinin eskertemiz»,- dep atap ótti kompanııa ókilderi.
Ulttyq tasymaldaýshy aldaǵy ýaqytta da bul baǵyttaǵy jumysyn jalǵastyryp, sybaılas jemqorlyqqa qarsy kúresin kúsheıtpek.
«Eger de bıletsiz otyrǵan jolaýshy ne bolmasa zańsyz rásimdelgen júk tasymalyna tap bolsańyz - fotobeıne túsirip, «Jolaýshylar tasymaly» AQ bas dırektorynyń blogyna https://www.temirzholy.kz/blog-predsedatelya-pravleniya/ jazyp jiberýlerińizdi suraımyz! Biz mindetti túrde shara qoldanamyz!», - dep atap ótedi baspasóz qyzmeti.
Esterińizge sala ketsek, 2019 jyldyń 29 naýryzynda «QTJ» UK» AQ, QR Indýstrııa jáne ınfraqurylymdyq damý mınıstrligi jáne Memlekettik qyzmet isteri men sybaılas jemqorlyqqa qarsy kúres agenttigi arasynda temirjol tasymaly salasynda turmystyq sybaılas jemqorlyqty joıý jónindegi jol kartasyna úsh jaqty qol qoıylǵan bolatyn.
