Qazaqstanda jolaýshylar poıyzdary keste boıynsha jáne barlyq baǵytta júrip jatyr

NUR-SULTAN. QazAqparat – «Búgingi tańda jolaýshylar poıyzdary keste boıynsha jáne barlyq baǵytta júredi. Barlyq poıyzdarǵa temirjol bıletteri bar»,-dep habarlady «Qazaqstan temir joly» UK» AQ baspasóz qyzmetine silteme jasap.

Nur-Sultannan shyǵatyn jolaýshylar úshin temir jol bıletteriniń tapshylyǵy joq.

Kún saıyn elordadan basqa qalalarǵa 30-dan astam poıyz jóneltiledi. Olardyń barlyǵy da poıyzdar kestesi boıynsha júredi. Máselen, 11 qańtardaǵy jaǵdaı boıynsha elordadan 42 jolaýshylar jáne qalamańy poıyzdary jolǵa shyqty.

2022 jylǵy 8-11 qańtar aralyǵynda «Almaty-Nur-Sultan» baǵyty boıynsha «Jolaýshylar tasymaly» AQ-nan 12 qosymsha poıyz uıymdastyrylyp, 11 myńnan astam oryn usynyldy.

«Bıletter týraly tolyǵyraq aqparatty BILET.RAILWAYS.KZ saıtynan jáne Kaspi.kz pen «QTJ bıletteri» mobıldik qosymshalarynan bilýge bolady»,-delingen habarlamada.