Qazaqstanda jolaýshy poıyzdaryndaǵy órt qaýipsizdigin tekserý kúsheıtiledi

NUR-SULTAN. QazAqparat - Qazaqstanda jolaýshy poıyzdarynda órt qaýipsizdigin saqtaý boıynsha tekserýler kúsheıtiledi, dep habarlaıdy QazAqparat QR IIDM baspasóz qyzmetine silteme jasap.

«Pákistannyń soltústik-shyǵysynda Pendjab provıntsııasynda bolǵan qaıǵyly oqıǵany eskere otyryp, QR IIDM Kólik komıteti Kóliktik baqylaý ınspektsııalaryna QR Іshki ister mınıstrligi Tótenshe jaǵdaılar komıtetiniń qurylymdyq bólimshelerimen jáne »Qazaqstan temir joly «UK» AQ-men birlesip respýblıka aýmaǵy boıynsha júretin barlyq jolaýshylar poıyzdarynda órt qaýipsizdigi talaptarynyń buzylýyna jol bermeý maqsatynda tekserý jumystaryn júrgizýdi ári kúsheıtýdi tapsyrdy», delingen habarlamada .

Jalpy, jyl basynan beri aýmaqtyq kólikti baqylaý organdary jol boıynda 866 jolaýshy poıyzyn tekserdi, onyń ishinde 577 «Jolaýshylar tasymaly» AQ, 39 «Qala mańyndaǵy tasymal» AQ, 11 «Qala mańyndaǵy jergilikti atqarýshy organ», 111 TMD qalyptastyrý poıyzy jáne 132 «jeke tasymaldaýshylar».

Nátıjesinde 5 136 jolaýshy tasymaldaý erejesin buzǵany anyqtaldy, onyń ishinde 38-i órt qaýipsizdigi boıynsha kemshilik.

«Jolaýshylar tasymaly» AQ-27; «Qala mańy tasymaly» AQ-4; «Qala mańyndaǵy jergilikti atqarýshy organ» - 1; «Jeke tasymaldaýshylar» - 6 (Maral Nýr-3 JShS, Nomadas-3 JShS) kemshilik anyqtalǵan.

Eske sal ketsek, 31 qazanda Pákistanda Karachıden Ravalpındıge bara jatqan júrdek poıyz órtenip, 73 adam qaza tapty.