Qazaqstanda «Jol júrisi qaýipsizdiginiń aptasy» bastaldy

Bul týraly Qazaqstan Respýblıkasy ІІM Ákimshilik polıtsııa komıtetiniń baspasóz qyzmetinen habarlady.

Aptanyń negizgi maqsaty - joldardaǵy apattylyq deńgeıin tómendetý, avtomotokólikpen baılanysty quqyq buzýshylyqtardyń aldyn alý. Іs-shara jahandyq sıpatqa ıe jáne Qazaqstanda jyl saıyn osymen 3-shi jyl ótkizilýde.

Qaýipsizdik aptasyn ótkizý barysynda ártúrli maqsatty aýdıtorııalar arasynda joldarda zań syılaýshylyq minez-qulyqty qalyptastyrýǵa baǵyttalǵan jańa aktsııa kún saıyn ótkiziletin bolady.

Osylaısha, búgin elemizdiń barlyq óńirlerinde «Qarańǵyda aıqyn bol» aktsııasy ótkizilýde, onyń maqsaty - balalardyń jaryqty qaıtaratyn elementterdi (flıkerler) paıdalanýy qajettiligine eresekterdiń nazaryn aýdarý. Mektepke deıingi balalar mekemelerinde jolda júrgen kezde jaıaý júrginshilerdiń jeke qaýipsizdiginiń quraly retinde jaryqty qaıtaratyn elementterdi kııýdi keńinen taratýǵa baǵyttalǵan «Qamqor ana» baıqaýy ótkiziledi. Baıqaý sharttaryna sáıkes, analar óz balalary úshin jaryqty qaıtaratyn elementterimen sándelgen kıimdi usynýy tıis.

«Kún qysqaryp, kúz-qys kezeńi bastalǵanda jaıaý júrginshiler avtomobıl júrgizýshilerine nashar kórinedi. Sondaı-aq, qara kıim jaıaý júrginshini táýliktiń qarańǵy ýaqytynda sý jolda kórinbeıtin etedi. Dál osy ýaqytta jaıaý júrginshilerdiń qatysýymen JKO ósýi tirkeledi, al jaryqty qaıtaratyn elementterdi qoldaný táýliktiń qarańǵy ýaqytynda avtomobıldiń jaıaý júrginshini basyp ketý qaýpin 85% tómendetedi.

Apta barysynda birqatar basqa profılaktıkalyq is-sharalar josparlanǵan: jol qaýipsizdigi taqyrybyna áleýmettik jarnama boıynsha jastar men stýdentter arasynda shyǵarmashylyq jumystar baıqaýy, úzdik avtomektebi, avtojúrgizýshiler arasynda qysyltaıań jaǵdaılarda sheber aıdaý boıynsha baıqaýlar, «Júrgizýshi, meniń ómirimdi saqta!» aktsııasy jáne basqalar.

Qaýipsizdik aptasy jeksenbide 17 qarashada - JKO qurbandaryn búkilálemdik eske alý kúninde aıaqtalady.