Qazaqstanda jol sapasyna qatysty shaǵymdanýǵa bolatyn Telegram-bot ashyldy
«QR Sybaılas jemqorlyqqa qarsy is-qımyl agenttigi basshylyǵynyń buıryǵymen men Ulttyq jol aktıvteriniń sapasy ortalyǵynyń janynda sybaılas jemqorlyqqa qarsy «Sapaly jol» jobalyq keńsesiniń jumysyn júrgizetin boldym. Ol jobalyq keńseniń maqsaty – Ortalyqtyń jumysyna komplaens saıasatyn engizý men jemqorlyqtyń aldyn alý. Bul jumys – paraqorlyqpen kúres menedjmenti júıesiniń ISO 37001 standartyna saı keledi», - dep jazdy Syrym Elýbaev.
Onyń aıtýynsha «Sapaly jol» jobalyq keńsesi jol aktıvterin saraptaý salasynda sybaılas jemqorlyq jaǵdaılaryn anyqtaý men aldyn alý bolyp otyr. Osylaısha avtojol qurylysy salasynda jemqorlyq faktilerin bilgen adamdar jobalyq keńseniń sapalyzhol@gmail.com elektrondy poshtasyna materıaldardy joldaı alady.
«Sonymen qatar, taıaýdan beri @USO_bot atty Telegram-bot qyzmetin bastady. Ol arqyly sanaýly sekýndtyń ishinde ortalyqqa joldyń jaısyz kúıi týraly habarlama joldaı alasyz. Ol úshin osy Telegram-botqa joldyń sýreti men mátindi, ornalasqan jeri kórsetilgen málimetti joldasańyz bolǵany. Sondaı-aq jemqorlyq jaǵdaıymen betpe-bet kelseńiz, 1424 Call-ortalyǵyna habarlasýǵa bolatynyn eske salamyn», - deıdi ol.