Qazaqstanda jol polıtsııasy men patrýl polıtsııasy birigip, ámbebap polıtseıler jumys isteıtin bolady
ASTANA. 19 maýsym. QazAqparat - Qazaqstanda jol polıtsııasy men patrýl polıtsııasy biriktiriletin bolady. Búgin Májilistiń jalpy otyrysynda «Jol júrisi týraly» zań jobasyn talqylaý barysynda
Іshki ister mınıstri Qalmuhanbet Qasymov osylaı málimdedi.
«Aıta keteıin, biz búgingi kúni synaq merzimin aıaqtap qaldyq, sol boıynsha jol polıtsııasyn patrýl polıtsııasymen biriktiretin bolamyz. Túıindeı aıtqanda, bizde ámbebap polıtseıler qyzmet etedi. ıAǵnı, bizde endigide kósheniń bir buryshynda tóbeles bolyp jatsa, jol polıtsııasynyń buǵan qatystylyǵy joq degen esh bolmaıdy. Sol sekildi aýlalarda kólikter jol jıeginen shyǵyp tursa, buǵan patrýl polıtsııasy da nazar aýdaratyn bolady», - dedi mınıstr.
Onyń aıtýynsha, atalmysh tájirıbe boıynsha patrýl polıtsııalaryn jol júrý erejelerine oqytý sekildi baǵyttarda birshama shyǵyn talap etedi. «Degenmen, bul sheshilýi tıis másele. Sondyqtan ondaı dúnıeler keleshekte enip qalýy yqtımal», - dedi Q. Qasymov.
