Qazaqstanda jol qurylysyna paıdalanatyn bıtýmdar tekserilýde
NUR-SULTAN. QazAqparat - Qazaqstanda jol qurylysy jumystarynda paıdalanylatyn bıtýmdardyń sapasy tekserilýde, dep habarlaıdy QazAqparat.
Bul jumystar Avtomobıl joldary komıtetiniń tapsyrmasy boıynsha oryndalyp jatyr.
«Negizgi maqsat – qurylys nysandaryn, avtomobıl joldaryn rekonstrýktsııalaý men jóndeý jumystaryn sapaly bıtýmmen qamtamasyz etý, sondaı-aq sapasyz ónimdi paıdalaný faktileriniń aldyn alý. Zertteý jumystary ST 1373-2013 talaptaryna sáıkes júrgiziledi. Búginde Qazjol ǴZI zerthanalarynda óndirýshiler jasap shyǵarǵan bıtýmdardyń 8 synamasy zertteldi. Nátıjesinde, zaýyttardyń bıtýmdary málimdelgen normatıvtik qujattardyń talaptaryna sáıkes keletini anyqtaldy», - dep jazdy vedomstvodan..
Aıta keterligi, bıtým synamalary óndirýshi zaýyttardan, sondaı-aq avtomobıl joldaryn salý, rekonstrýktsııalaý jáne jóndeý obektilerinen alynǵan.
Sapasyz bıtýmdy paıdalanýdyń aldyn alý maqsatynda taýar sapasyna jasalatyn monıtorıng jalǵasady. Monıtorıng nátıjeleri elimizdiń túrli jol-klımattyq aımaqtarynda bıtýmnyń ártúrli markalaryn qoldaný salasyn belgileý úshin paıdalanylady dep josparlanýda.
