Qazaqstanda jol qozǵalysy qaýipsizdigi salasyndaǵy ákimshilik jaýapkershilik kúsheıtildi
ASTANA. QazAqparat - Elimizdiń zańnamasyndaǵy jol qozǵalysy qaýipsizdigi salasyna qatysty ózgerister joldardaǵy ahýaldy turaqtandyryp, jol-kólik oqıǵalary men olardan zardap shegetinderdiń sanyn azaıtady, dep habarlady QR ІІM Ákimshilik polıtsııa komıtetinen.
Jol qozǵalysyna qatysýshylardyń kinásinen qaza taýyp jáne zardap shegý faktileri boıynsha quqyq buzýshylyqtyń 8 quramy boıynsha aıyppul sanktsııalary ósti. Avtokólikterdi mas kúıinde júrgizgendigi úshin jaýapkershilik kúsheıtiledi. Jyldamdyqty asyrǵany, qıylystar nemese joldyń kesip ótý bóliginde júrý erejesin buzǵany, kólikti jol júrý erejelerine qaıshy qoıǵany, sondaı-aq kólik júrgizý kezinde telefon nemese radıostansany paıdalanǵany úshin aıyppuldar somasy ósti.
«Joldyń qarsy baǵytyna shyǵyp ketkeni, sondaı-aq polıtsııa qyzmetkeriniń avtokólikti toqtatý týraly zańdy talabyn oryndamaǵany úshin avtokólik quralyn júrgizý kýáliginen aıyrý engizildi», - delingen habarlamada.
Vedomstvonyń atap ótýinshe, aıyppul somasyn belgileýde joldaǵy apattardyń tómen deńgeıi tirkelgen elderdiń halyqaralyq tájirıbesi eskerilgen.
Aıta keterligi, 2012-2013 jyldary aralyǵynda Qazaqstanda jol qozǵalysy erejeleriniń buzylýy kúrt ósip ketkeni baıqaldy. Máselen, 2013 jyly baqylaý-ólsheý tehnıkalyq quraldary túsirip, tirkegen jol qozǵalysy erejesiniń buzylýy shamamen - 90, oqıǵalar 65, jaraqat alǵandar sany 71 paıyzǵa ósken.
