Qazaqstanda jol-kólik oqıǵalarynyń sany azaıdy
NUR-SULTAN. QazAqparat – 2020 jyldyń qańtar-maýsym aralyǵynda elde 5,3 myń jol kólik oqıǵasy (JKO) tirkelgen dep habarlaıdy QazAqparat ranking.kz saıtyna silteme jasap.
Bul ótken jylǵy kórsetkishpen salystyrǵanda 25,8%-ǵa az.
Óńirler boıynsha JKO-nyń eń kóp sany Almatyda tirkelgen. Eldegi barlyq jol-kólik oqıǵalary sanynyń 23,6%-y Almatyǵa tıesili. Jarty jyl ishinde qarjy ortalyǵynda 1,2 myń JKO tirkelgen. Bul bir jyl burynǵy kórsetkishpen salystyrǵanda 1,7 ese az.
JKO sany jóninen ekinshi orynda Almaty oblysy tur. Munda 802 JKO tirkelgen. Jol apattarynyń sany 28,2%-ǵa qysqarǵan. Úshinshi orynda – Jambyl oblysy. Atalǵan óńirde 447 JKO tirkelgen. Jol-kólik oqıǵalarynyń sny 25,3% azaıǵan.
Alty aıdyń qortyndysy boıynsha JKO-dan 7,7 myń adam zardap shekken. Olardyń 6,9 myń adamy jaraqat alsa, 712 adam kóz jumǵan. Bul ótken jylǵy kórsetkishpen salystyrǵanda 25,5%-ǵa az.
JKO-dan jaraqat alǵandardyń kóbisi Almaty qalasynda tirkelse, qaza tapqandardyń basym kópshiligi Almaty oblysynan. Almaty oblysynda 137 adam jol apatynan qaza tapqan. Atalǵan tizimniń basynda Túrkistan men Jambyl oblystary da bar.
