Qazaqstanda jol erejelerin buzýshylarǵa salynatyn aıyppuldar tómendetilmeıdi - QR ІІM
ASTANA. QazAqparat - Qazaqstanda jol erejelerin buzýshylarǵa salynatyn aıyppuldar kólemin tómendetý josparlanyp otyrǵan joq.
Bul týraly búgin QR Іshki ister mınıstriniń orynbasary Erlan Turǵymbaev málim etti.
«Aıyppuldarǵa keletin bolsaq, olardyń kólemin azaıtý kózdelip otyrǵan joq. «Jolda júrý erejeleri týraly» zań byltyr ǵana qabyldandy», - dedi QR ІІM mınıstriniń orynbasary.
Eske sala keteıik, bunyń aldynda QR Bas prokýratýrasy JJE buzýshylarǵa salynatyn aıyppuldardyń kólemin azaıtý jóninde usynyspen shyqqan bolatyn. Prokýratýra organdarynyń oıynsha, aıyppuldardyń ósýi jol erejelerin buzý faktilerin azaıtpaıdy.
