Qazaqstanda jol apatynan qaza tapqandar sany 27 paıyzǵa qysqardy
ASTANA. QazAqparat - Qazaqstanda ústimizdegi jyldyń birinshi toqsanynda jol-kólik apatynan qaza tapqandar sany 27 paıyzǵa qysqardy. Bul jaıynda QR Memlekettik til jáne aqparat departamentiniń dırektory Almas Sádýbaev óziniń Feısbýktaǵy paraqshasynda jazdy, dep habarlaıdy QazAqparat.
Onyń jazýynsha, Іshki ister mınıstrligi qabyldaǵan keshendi, onyń ishinde zańnamalyq ta sharalarynyń arqasynda búgingi kúni elimizdiń joldaryndaǵy ahýal aıtarlyqtaı jaqsara túsken.
«Ústimizdegi jyldyń birinshi toqsanynda elimizdiń joldaryndaǵy jol-kól apattarynan qaza tapqandardyń sany ótken jyldyń 3 aıy kórsetkishterimen salystyrǵanda 27 paıyzǵa (405-ten 295-ke) qysqardy. Jol-kólik apatynan jaraqat alǵan azamattardyń da sany 10 paıyzdan (4652-den 4 166-ǵa) astamǵa deıin kemidi»,- dep jazdy Almas Sádýbaev.
Onyń atap ótýinshe, 2007 jyldan beri elimizdiń joldaryndaǵy ólim-jitim 10 jyldyń ishinde shamamen 2 esege azaıǵan.
