Qazaqstanda jol apatynan qaza tabatyndar sany 18 paıyzǵa azaıdy
ASTANA. QazAqparat - Qazaqstanda jol apatynan qaza tabatyndar sany 18 paıyzǵa azaıdy. Bul jaıynda QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat.
«Іshki ister mınıstrliginiń jol qozǵalysy qaýipsizdigin qamtamasyz etý boıynsha qabyldaǵan sharalarynyń arqasynda jol-kólik oqıǵalary 6 paıyzǵa tómendedi. Nátıjesinde qaza tapqandar sany 18, al jaraqat alǵandar 5 paıyzǵa qysqardy», - dedi Almas Sadýbaev.
Onyń aıtýynsha, aǵymdaǵy jyldyń basynan beri elimizdiń joldarynda 12 myńnan astam jol-kólik oqıǵasy oryn alǵan.
«Jol-kólik oqıǵalarynyń negizgi sebepteriniń biri - jyldamdyqty asyrý», - dedi ol.
