Qazaqstanda joǵary tehnologııany qoldaný arqyly emdelgender sany 5 esege artty
«Sonymen birge, atalǵan qyzmetti kúndelikti engizýge baılanysty, 2014 jyldan bastap joǵary mamandandyrylǵan kómektiń (JMMK) 30 tehnologııasy mamandandyrylǵan kómek qataryna aýystyryldy. JMMK - azamattar dıagnostıkalaý men emdeýdiń erekshe qıyn tásilin ári biregeı medıtsınalyq tehnologııalardy talap etetin aýrýmen syrqattanǵan jaǵdaıda medıtsınalyq uıymdardyń medıtsınalyq kómek kórsetýi. 2010 jyldan bastap Densaýlyq saqtaýdyń biregeı ulttyq júıesin engizý - elimizdiń barlyq óńirlerde joǵarǵy tehnologııalardyń belsendi damýyna yqpal etti. Bul JMMK-niń aýyl turǵyndaryna qoljetimdi bolýyn qamtamasyz etip otyr», - delingen QR Densaýlyq saqtaý jáne áleýmettik damý mınıstrligi málimetinde.
JMMK qyzmeti 2010 jyly 10690 adamǵa, 2011 - 34706, 2012 jyly - 41747, 2013 jyly - 54454, 2014 jyly - 46391, sondaı-aq 2015 jyly - 55975 patsıentke kórsetildi.
Sonymen birge, elimizde sońǵy jyldarda otandyq transplantologııany damytý boıynsha keshendi sharalar qoldanylýda. Bul jyldan jylǵa transplantologııa kórsetkishin ulǵaıtýǵa múmkindik berip otyr.
Eger 2010 jyly tek 2 tehnologııa engizilse, 2011 jyly - 4, 2012 jyly - 7, al 2015 jyldan bastap 10-y engizildi. Bul turǵyda júrek, baýyr, jasandy sol jaq asqazan, búırek, uıqy bezi, súıek kemigin aýystyryp otyrǵyzý boıynsha otalardy qamtyp otyr. Buǵan deıin mundaı medıtsınalyq qyzmetterdi alý úshin elimizdiń azamattary tek shetel qyzmetterine júginetin.
Esterińizge sala keteıik, Qazaqstanda alǵash ret júrekti aýystyrý 2012 jyly jasalǵan bolatyn. Al 2015 jyly osyndaı 20 ota jasaldy. 2012 jyly 6 naýqastyń baýyry aýystyrylsa, 2015 jyly mundaı ota 51 adamǵa jasaldy. Eń kóp aýystyrylyp otyrǵyzylǵan múshe - búırek. 2010 jyly - 9, al 2015 jyly 204 ota jasaldy. Súıek kemigi 2010 jyly 1 patsıentke aýystyryldy, 2015 jyly 44 adamǵa jasaldy.