Qazaqstanda Joǵary sot keńesiniń quramy qalyptastyryldy
ASTANA. QazAqparat - Qazaqstanda Joǵary sot keńesiniń quramy qalyptastyryldy.Memleket basshysy qol qoıǵan № 188 Jarlyqtyń mátini Qazaqstan Respýblıkasy normatıvtik quqyqtyq aktileriniń aqparattyq-quqyqtyq júıesinde ornalastyrylǵan.
Jarlyqqa qosymshaǵa sáıkes Qazaqstan Respýblıkasynyń Joǵary sot keńesiniń tóraǵasy Smolın Anatolıı Sergeevıch, ol byltyr jeltoqsanda osy laýazymǵa taǵaıyndalǵan.
Qazaqstan Respýblıkasynyń Joǵary sot keńesiniń quramy:
Smolın Anatolıı Sergeevıch - Tóraǵa
músheleri:
Alanov Jaqsylyq Rzabekuly - Mańǵystaý oblystyq sotynyń tóraǵasy
Balaǵumarova Ardaq Dúısenbekqyzy - Astana qalalyq sotynyń sýdıasy
Qarjaýbaev Erbol Qazıuly - L.N.Gýmılev atyndaǵy Eýrazııa ulttyq ýnıversıtetiniń kafedra meńgerýshisi, zań ǵylymdarynyń doktory, professor
Kýdekova Lázzat Serikqyzy - Astana qalasy Almaty aýdandyq sotynyń sýdıasy
Quryqbaev Ádil Jambasbaıuly - Qazaqstan Respýblıkasy Joǵarǵy Sotynyń sýdıasy
Mamontov Nıkolaı Ivanovıch - otstavkadaǵy sýdıa
Pazylov Nábı Álıakbaruly - otstavkadaǵy sýdıa
Raısova Balgúl Amangeldiqyzy - Respýblıkalyq advokattar alqasy tóraǵasynyń keńesshi
Hojabergenov Murat Amangeldiuly - Astana qalasy Almaty aýdandyq sotynyń sýdıasy
Keńes quramyna laýazymy boıynsha Qazaqstan Respýblıkasy Joǵarǵy Sotynyń Tóraǵasy, Qazaqstan Respýblıkasynyń Bas Prokýrory, Qazaqstan Respýblıkasynyń Ádilet mınıstri, Qazaqstan Respýblıkasynyń Memlekettik qyzmet isteri mınıstri, Qazaqstan Respýblıkasy Parlamenti Senatynyń Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy, Qazaqstan Respýblıkasy Parlamenti Májilisiniń Zańnama jáne sot-quqyqtyq reforma komıtetiniń tóraǵasy kiredi.
