Qazaqstanda joǵary oqý oryndarynyń ortaq elektrondyq kitaphanasy qurylýda - J.Túımebaev
STANA. Naýryzdyń 2-si. QazAqparat /Jasulan Amanbaıuly/ - Qazaqstanda joǵary oqý oryndarynyń ortaq elektrondyq kitaphanasy qurylýda. Bul týraly búgin «Bilim berýdegi ınnovatsııalar» atty halyqaralyq forýmda Bilim jáne ǵylym mınıstri Janseıit Túımebaev málim etti,
dep habarlaıdy QazAqparat.
Bundaı kitaphanalar álemdegi jetekshi elderdiń qoldanysynda bar tájirıbe. «Jyl ótken saıyn elektrondyq kitaphanalar qoldanysqa engizilýde. Ustazdardyń, stýdentterdiń, magıstranttar men doktoranttardyń elektrondyq resýrstarǵa qoljetimdiligin jasaý maqsatynda JOO-nyń ortaq elektrondy kitaphanasy quryldy», deıdi J. Túımebaev.
Mınıstrdiń aıtýynsha, JOO-nyń ortaq elektrondy kitaphanasy - otandyq ýnıversıtetterdiń elektrondyq kitaphanalarynyń vırtýaldy korporatıvti jelisi. Qazaqstanda atalmysh ortaq jelige 30 ýnıversıtetter kitaphanalarynyń elektrondyq qorlary engizildi.
«Bul jeli muǵalimder men stýdentterge tek óziniń ýnıversıtetindegi aqparattardy paıdalanýyna ǵana emes, basqa da JOO-nyń málimetter qoryn alýǵa da múmkindik beredi», dedi Bilim jáne ǵylym mınıstri J. Túımebaev.
