Qazaqstanda joǵary oqý oryndaryn jikteý krıterııleri bekitildi

«QazAqparat» HAA qujattyń tolyq mátinin jarııalaıdy.

Qazaqstan Respýblıkasy Bilim jáne ǵylym mınıstrliginiń buıryǵy

2015 jylǵy 6 qarasha, Astana qalasy, №628

Joǵary oqý oryndaryn jikteý krıterıılerin bekitý týraly

«Tıisti úlgidegi bilim berý uıymdary qyzmetiniń úlgilik qaǵıdalaryn, onyń ishinde balalarǵa arnalǵan qosymsha bilim berý baǵdarlamalaryn iske asyratyn bilim berý uıymdary qyzmetiniń úlgilik qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 17 mamyrdaǵy № 499 qaýlysyna sáıkes buıyramyn: 1. Qosa berilip otyrǵan Joǵary oqý oryndaryn jikteý krıterııleri bekitilsin. 2. Joǵary jáne joǵary oqý ornynan keıingi bilim, halyqaralyq yntymaqtastyq departamenti (S.M. Ómirbaev) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde ony merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqtyń Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Bilim jáne ǵylym vıtse-mınıstrine júktelsin. 4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.

Mınıstrdiń mindetin atqarýshy T.BALYQBAEV.

Qazaqstan Respýblıkasy Bilim jáne ǵylym mınıstri mindetin atqarýshynyń 2015 jylǵy 6 qarashadaǵy № 628 buıryǵymen bekitilgen

Joǵary oqý oryndaryn jikteý krıterııleri

Jalpy erejeler 1. Joǵary oqý oryndaryn jikteý krıterııleri (budan ári - Krıterııler) «Tıisti úlgidegi bilim berý uıymdary qyzmetiniń úlgilik qaǵıdalaryn, onyń ishinde balalarǵa arnalǵan qosymsha bilim berý baǵdarlamalaryn iske asyratyn bilim berý uıymdary qyzmetiniń úlgilik qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 20 mamyrdaǵy № 499 qaýlysyna sáıkes ázirlengen. 2. Krıterııler eldiń áleýmettik-ekonomıkalyq jáne ǵylymı-tehnıkalyq damýyndaǵy olardyń mańyzdylyǵyn anyqtaý maqsatynda joǵary jáne joǵary oqý ornynan keıingi bilim berý baǵdarlamalaryn iske asyratyn joǵary oqý oryndaryna (budan ári - JOO) arnalǵan. Krıterııler áskerı jáne arnaýly oqý oryndaryna qoldanylmaıdy. 3. Krıterııler kórsetiletin bilim berý qyzmetteriniń sapasyn, JOO-lardyń bilim berý, ǵylymı jáne ınnovatsııalyq áleýetiniń tıimdi paıdalanylýyn baǵalaýǵa negizdelgen. 4. Krıterııler joǵary jáne joǵary oqý ornynan keıingi bilim berý salasyndaǵy jetekshi halyqaralyq QS World University Rankings jáne Times Higher Education World University Rankings reıtıngteriniń ádistemelerin esepke ala otyryp ázirlengen. 5. Krıterııler mynadaı JOO túrlerine arnalyp ázirlengen: 1) ulttyq zertteý ýnıversıteti; 4) ýnıversıtet; 2) zertteý ýnıversıteti; 5) akademııa; 3) ulttyq joǵary oqý orny; 6) ınstıtýt 7) joǵary oqý oryndaryna teńestirilgen uıymdar (konservatorııa, joǵary mektep, joǵary ýchılışe). 6. Ulttyq zertteý ýnıversıtetiniń krıterııleri: 1) erekshe mártebesi bar joǵary oqý orny; 2) bes jylǵa arnalǵan damý baǵdarlamasynyń jobasy bar; 3) mamandyqtardyń úsh jáne odan da kóp toby boıynsha joǵary jáne joǵary oqý ornynan keıingi bilim berýdiń óz betinshe ázirlengen bilim beretin oqý baǵdarlamalaryn iske asyrady; 4) jańa bilimdi jınaqtaý men transfertteý úshin irgeli jáne qoldanbaly ǵylymı zertteýlerdiń nátıjelerin paıdalanady; 5) bes jylda keminde bir ret oqytýshylardyń biliktiligin arttyrýdy qamtamasyz etedi; 6) joǵary oqý orny negizgi jumys orny bolyp tabylatyn oqytýshylar sanynan ǵylymı dárejeleri jáne ǵylymı ataqtary bar oqytýshylardyń úlesi - 70%-dan kem emes; 7) bilim alýshylardyń jalpy kontıngentinen joǵary oqý ornynan keıingi bilim berý baǵdarlamalarynda bilim alatyn magıstranttardyń jáne doktoranttardyń úlesi - 15% -dan kem emes; 8) Times Higher Education World University Rankings reıtıngisine sáıkes álemniń úzdik 200 ýnıversıtetiniń qataryna kiretin sheteldik JOO - áriptesterdiń qatysýymen ázirlengen joǵary oqý ornynan keıingi baǵdarlamalardyń úlesi - 20%-dan kem emes; 9) ǵylymı-pedagogıkalyq qyzmetkerlerdiń jalpy sanyndaǵy shaqyrylǵan sheteldik oqytýshylar men zertteýshilerdiń úlesi - 12%-dan kem emes; 10) sheteldik oqytýshylarmen/zertteýshilermen birlesken avtorlyqtaǵy ǵylymı maqalalardyń úlesi - sońǵy 3 jyl ishinde Web of Science nemese Scopus dep ındeksteletin halyqaralyq reıtıngtik jýrnaldarda jarııalanǵan ǵylymı maqalalardyń jalpy sanynan 10%-dan kem emes; 11) tıisti mamandyq nemese tıisti mamandyqtyń beıini boıynsha bir ǵylym doktorynyń nemese eki ǵylym kandıdatynyń nemese eki fılosofııa (PhD) doktorynyń bolýy; 12) sońǵy 3 jyl ishinde Web of Science nemese Scopus dep ındeksteletin halyqaralyq reıtıngtik jýrnaldarda jarııalanǵan ǵylymı maqalalar sanynyń ǵylymı-pedagogıkalyq qyzmetkerlerdiń jalpy sanymen araqatynasy - 1:3-ten kem emes; 13) sońǵy 5 jyl ishinde Web of Science nemese Scopus dep ındeksteletin halyqaralyq reıtıngtik jýrnaldarda jarııalanǵan ǵylymı maqalalardan dáıeksóz keltirýdiń ortasha deńgeıi - 2.0 kem emes; 14) ǵylymı-pedagogıkalyq qyzmetkerlerdiń birligine shaqqanda sońǵy 3 jyl ishinde jeke kompanııalarǵa, uıymdarǵa jáne qorlarǵa (sonyń ishinde halyqaralyq) jumystardy oryndaý / qyzmetter kórsetý nátıjesinde alynǵan jalpy tabys somasy - ǵylymı-pedagogıkalyq qyzmetkerlerdiń birligine - 500 myń teńgeden kem emes. 7. Zertteý ýnıversıtetiniń krıterııleri: 1) «Ǵylym týraly» Qazaqstan Respýblıkasynyń 2011 jylǵy 18 aqpandaǵy Zańynyń 10-babyna sáıkes; 2) bes jylǵa arnalǵan damý baǵdarlamasynyń jobasy bar; 3) mamandyqtardyń úsh jáne odan da kóp toby boıynsha joǵary jáne joǵary oqý ornynan keıingi bilim berýdiń óz betinshe ázirlengen bilim beretin oqý baǵdarlamalaryn iske asyrady; 4) jańa bilimdi jınaqtaý men transfertteý úshin irgeli jáne qoldanbaly ǵylymı zertteý nátıjelerin paıdalanady; 5) bes jylda keminde bir ret oqytýshylardyń biliktiligin arttyrýdy qamtamasyz etedi; 6) joǵary oqý orny negizgi jumys orny bolyp tabylatyn oqytýshylar sanynan ǵylymı dárejeleri jáne ǵylymı ataqtary bar oqytýshylardyń úlesi - 70%-dan kem emes; 7) bilim alýshylardyń jalpy kontıngentinen úlesinen joǵary oqý ornynan keıingi bilim berý baǵdarlamalarynda bilim alatyn magıstranttardyń jáne doktoranttardyń úlesi - 10%-dan kem emes; 8) Times Higher Education World University Rankings reıtıngisine sáıkes álemniń úzdik 200 ýnıversıtetiniń qataryna kiretin sheteldik JOO - áriptesterdiń qatysýymen ázirlengen joǵary oqý ornynan keıingi baǵdarlamalardyń úlesi - 15%-dan kem emes; 9) ǵylymı-pedagogıkalyq qyzmetkerlerdiń jalpy sanyndaǵy shaqyrylǵan sheteldik oqytýshylar men zertteýshilerdiń úlesi - 10%-dan kem emes; 10) sheteldik oqytýshylarmen/zertteýshilermen birlesken avtorlyqtaǵy ǵylymı maqalalardyń úlesi - sońǵy 3 jyl ishinde Web of Science nemese Scopus dep ındeksteletin halyqaralyq reıtıngtik jýrnaldarda jarııalanǵan ǵylymı maqalalardyń jalpy sanynyń 7%-dan kem emes; 11) tıisti mamandyq boıynsha nemese tıisti mamandyqtyń beıini boıynsha bir ǵylym doktorynyń nemese eki ǵylym kandıdatynyń nemese eki fılosofııa (PhD) doktorynyń bolýy; 12) sońǵy 3 jyl ishinde Web of Science nemese Scopus dep ındeksteletin halyqaralyq reıtıngtik jýrnaldarda jarııalanǵan ǵylymı maqalalar sanynyń ǵylymı-pedagogıkalyq qyzmetkerlerdiń jalpy sanymen araqatynasy: 1:4-ten kem emes; 13) sońǵy 5 jyl ishinde Web of Science nemese Scopus dep ındeksteletin halyqaralyq reıtıngtik jýrnaldarda jarııalanǵan ǵylymı maqalalardan dáıeksóz keltirýdiń ortasha deńgeıi - 1.8 kem emes; 14) ǵylymı-pedagogıkalyq qyzmetkerlerdiń birligine shaqqanda sońǵy 3 jyl ishinde jeke kompanııalarǵa, uıymdarǵa jáne qorlarǵa (sonyń ishinde halyqaralyq) jumystardy oryndaý / qyzmetter kórsetý nátıjesinde alynǵan jalpy tabys somasy - ǵylymı-pedagogıkalyq qyzmetkerlerdiń birligine 300 myń teńgeden kem emes. 8. Ulttyq joǵary oqý ornynyń krıterııleri: 1) erekshe mártebesi bar joǵary oqý orny; 2) eldiń jetekshi ǵylymı jáne ádistemelik ortalyǵy bolyp tabylady 3) bes jylda keminde bir ret oqytýshylardyń biliktiligin arttyrýdy qamtamasyz etedi; 4) joǵary oqý orny negizgi jumys orny bolyp tabylatyn oqytýshylar sanynan ǵylymı dárejeleri jáne ǵylymı ataqtary bar oqytýshylardyń úlesi - 55%-dan kem emes; 5) tıisti mamandyq boıynsha nemese tıisti mamandyqtyń beıini boıynsha bir ǵylym doktorynyń nemese eki ǵylym kandıdatynyń nemese eki fılosofııa (PhD) doktorynyń bolýy. 9. Ýnıversıtettiń krıterııleri: 1) mamandyqtardyń úsh jáne odan da kóp toby boıynsha joǵary jáne joǵary oqý ornynan keıingi bilim berý baǵdarlamalaryn iske asyrady; 2) irgeli jáne qoldanbaly zertteýlerdi júzege asyrady; 3) ǵylymı jáne ádistemelik ortalyq bolyp tabylady; 4) joǵary oqý orny negizgi jumys orny bolyp tabylatyn oqytýshylar sanynan, ǵylymı dárejeleri jáne ǵylymı ataqtary bar oqytýshylardyń úlesi - 50%-dan kem emes; 5) bes jylda keminde bir ret oqytýshylardyń biliktiligin arttyrýdy qamtamasyz etedi; 6) tıisti mamandyq boıynsha bir ǵylym doktorynyń nemese eki ǵylym kandıdatynyń nemese eki fılosofııa (PhD) doktorynyń bolýy. 10. Akademııanyń krıterııleri: 1) mamandyqtardyń bir-eki toby boıynsha joǵary jáne joǵary oqý ornynan keıingi bilim berý baǵdarlamalaryn iske asyrady; 2) joǵary oqý orny negizgi jumys orny bolyp tabylatyn oqytýshylar sanynan, ǵylymı dárejeleri jáne ǵylymı ataqtary bar oqytýshylardyń úlesi - 50%-dan kem emes; 3) bes jylda keminde bir ret oqytýshylardyń biliktiligin arttyrýdy qamtamasyz etedi; 4) tıisti mamandyq boıynsha nemese tıisti mamandyqtyń beıini boıynsha bir ǵylym doktorynyń nemese eki ǵylym kandıdatynyń nemese eki fılosofııa (PhD) doktorynyń bolýy. 11. Instıtýttyń krıterııleri: 1) joǵary bilimniń bilim berý baǵdarlamalaryn iske asyrady; 2) bes jylda keminde bir ret oqytýshylardyń biliktiligin arttyrýdy qamtamasyz etedi; 3) joǵary oqý orny negizgi jumys orny bolyp tabylatyn oqytýshylar sanynan, ǵylymı dárejeleri jáne ǵylymı ataqtary bar oqytýshylardyń úlesi - 45%-dan kem emes; 4) tıisti mamandyq boıynsha nemese tıisti mamandyqtyń beıini boıynsha bir ǵylym doktorynyń nemese eki ǵylym kandıdatynyń nemese eki fılosofııa (PhD) doktorynyń bolýy. 12. Joǵary oqý oryndaryna teńestirilgen uıymdardyń krıterııleri (konservatorııa, joǵary mektep, joǵary ýchılışe): 1) joǵary bilimniń bilim berý baǵdarlamalaryn iske asyrady; 2) bes jylda keminde bir ret oqytýshylardyń biliktiligin arttyrýdy qamtamasyz etedi; 3) joǵary oqý orny negizgi jumys orny bolyp tabylatyn oqytýshylar sanynan, ǵylymı dárejeleri jáne ǵylymı ataqtary bar oqytýshylardyń úlesi - 45%-dan kem emes; 4) tıisti mamandyq boıynsha nemese tıisti mamandyqtyń beıini boıynsha bir ǵylym doktorynyń nemese eki ǵylym kandıdatynyń nemese eki fılosofııa (PhD) doktorynyń bolýy.

Buıryq Qazaqstan Respýblıkasynyń Ádilet mınıstrliginde 2015 jylǵy 13 qarashadaǵy Normatıvtik quqyqtyq kesimderdi memlekettik tirkeýdiń tizilimine №12285 bolyp engizildi.