Qazaqstanda joǵary bilikti geologtar korpýsy qurylady
ASTANA. 1 aqpan. QazAqparat - QR Indýstrııa jáne jańa tehnologııalar mınıstrligi taıaý aralyqta zamanaýı geologııalyq zertteýler ortalyǵyn qurýdy josparlaýda.
Búgin jýrnalısterge QR Premer-Mınıstriniń orynbasary-Indýstrııa jáne jańa tehnologııalar mınıstri Áset Isekeshev málim etkenindeı, atalǵan ortalyqta álemdegi eń úzdik zerthanalar shoǵyrlandyrylatyn bolady.
«Jumysymyzdaǵy ekinshi mańyzdy baǵyt - kadrlardy daıyndaý. Qazirgi ýaqytta biz birneshe mekteptermen jumys isteýdemiz. Bul jumystarǵa osy joba barysynda jańa tehnologııalarmen qalaı jumys isteý kerektigin kórýi úshin stýdentter men oqytýshylardy tartatyn bolamyz. Bizderge taıaý aralyqta eń úzdik qazirgi zamanǵy tehnologııalarmen jumys isteı alatyn zamanaýı geologtar korpýsyn daıyndaýǵa kirisý kerek», - dedi ol.
