Joǵary bilimdi tsıfrlandyrý: Google kompanııasymen yntymaqtastyq josparlandy
ASTANA. KAZINFORM — QR Ǵylym jáne joǵary bilim mınıstri Google kompanııasynyń ókilderimen kezdesý ótkizip, taraptar joǵary bilimdi tsıfrlandyrý jáne jasandy ıntellekt tehnologııalaryn engizý salasyndaǵy yntymaqtastyqty damytý perspektıvalaryn talqylady. Bul týraly vedomstvonyń baspasóz qyzmeti málim etti.
Kezdesý barysynda Google ókilderi bilim berý úderisin transformatsııalaýǵa jáne oqytýdyń tıimdiligin arttyrýǵa baǵyttalǵan Google for Education bastamalaryn tanystyrdy. Ásirese Gemini jáne NotebookLM sııaqty zamanaýı JI quraldaryn engizýge erekshe nazar aýdaryldy. Bul quraldar bilim berý úderisterin keńeıtýge, oqytýshylar men stýdentterdiń ónimdiligin arttyrýǵa, sondaı-aq derekterdiń joǵary deńgeıde qorǵalýyn qamtamasyz etýge múmkindik beredi.
— Ǵylym jáne joǵary bilim mınıstrligi jasandy ıntellekt jáne tsıfrlyq quzyretter salasyndaǵy daǵdylardy stýdentter men oqytýshylar arasynda damytýǵa baǵyttalǵan AI-Sana baǵdarlamasyn qosa alǵanda negizgi ulttyq bastamalardy usyndy. Baǵdarlama aıasynda bilim berý baǵdarlamalaryna onlaın-kýrstardy engizý, júzdegen myń mamandy daıarlaý jáne ýnıversıtettik ortada JI sheshimderin qoldaný sekildi eleýli nátıjelerge qol jetkizildi, — delingen habarlamada.
Sondaı-aq Qazaqstandy óńirlik akademııalyq ortalyq retinde damytý tujyrymdamasy tanystyrylyp, ol sheteldik stýdentterdi tartýdy, jetekshi sheteldik ýnıversıtetterdiń fılıaldaryn ashýdy jáne jahandyq akademııalyq áriptestikti keńeıtýdi kózdeıdi.
Kezdesý qorytyndysy boıynsha taraptar birlesken bilim berý jáne ǵylymı jobalardy iske asyrýdy qosa alǵanda yntymaqtastyqtyń aldaǵy baǵyttaryn talqylap, ózara memorandým jasasýǵa múddelilik bildirdi.
Kezdesý zamanaýı, tehnologııalyq jáne básekege qabiletti joǵary bilim berý júıesin qalyptastyrýǵa baǵyttalǵan strategııalyq áriptestikti damytýǵa degen ózara qyzyǵýshylyqty rastady.
Eske salsaq, Google budan bylaı qulaqqap arqyly sóılesken sózdi lezde aýdara alady.