Qazaqstanda Joǵarǵy Sot janyndaǵy halyqaralyq keńesti qarjylandyrý tártibi ózgerýi múmkin
ASTANA. KAZINFORM – Qazaqstannyń Sot ákimshiligi Joǵarǵy Sot janyndaǵy halyqaralyq keńestiń jumysyna bólinetin bıýdjet qarajatyn paıdalaný tártibin ózgertý týraly buıryq jobasyn ázirledi.
Qujat jobasynda keńestiń qyzmetin qamtamasyz etýge arnalǵan shyǵyndar normalaryn jańartý jáne qoldanystaǵy qaǵıdalardy «Ókildik shyǵyndar» bıýdjettik baǵdarlamasynyń talaptaryna sáıkestendirý kózdelgen.
Ózgerister Joǵarǵy Sot janyndaǵy Sottardyń qyzmetin qamtamasyz etý departamenti basshysynyń 2017 jylǵy 17 sáýirdegi № 6001-17-7-6/148 buıryǵymen bekitilgen qaǵıdalarǵa engizilmek.
Qujatty ázirleýge qoldanystaǵy qaǵıdalardy Syrtqy ister mınıstriniń 2017 jylǵy 28 aqpandaǵy № 11-1-2/66 buıryǵymen bekitilgen «Ókildik shyǵyndar» bıýdjettik baǵdarlamasynyń qarajatyn bólý tártibine sáıkestendirý qajettiligi negiz bolǵan.
Jobany qoǵamdyq talqylaý 2026 jylǵy 4 qarashaǵa deıin jalǵasady.
Buǵan deıin Joǵarǵy Sotta ákimshilik ister boıynsha sot tájirıbesin birizdendirýge baǵyttalǵan normatıvtik qaýly jobasy talqylanǵanyn habarlaǵan edik.
