Qazaqstanda JІÓ ósimi 4,1% qurady - Tımýr Súleımenov

ASTANA. QazAqparat - QR Ulttyq ekonomıka mınıstri Tımýr Súleımenov 2018 jyldyń 10 aıyndaǵy áleýmettik-ekonomıkalyq damý qorytyndylary boıynsha esep berdi, dep habarlaıdy QazAqparat tilshisi.

Mınıstrdiń aıtýynsha, bıylǵy 10 aıda Qazaqstan ekonomıkasy ósýdiń oń úrdisin saqtap otyr jáne jalpy ishki ónimniń ósýi 4,1% qurady.

«Joǵary ınvestıtsııalyq belsendilik, ınflıatsııanyń báseńdeýi, sondaı-aq ekonomıkanyń bazalyq salalarynda óndiristiń ulǵaıýy ekonomıkalyq ósýdiń negizgi faktorlary boldy. Inflıatsııa deńgeıi 5-7% aralyǵynda saqtalyp otyr. Qazan aıynda ınflıatsııa 0,4%, al jyl basynda - 3,7% qurady. Jyldyq ınflıatsııa 5,3% qurady. 2017 jyly qazanda ınflıatsııa joǵary bazanyń esebinen 7,7% bolǵan edi. ıAǵnı, sońǵy úsh jyl ishindegi rekordtyq tómen deńgeıge qol jetkizildi», - dedi Tımýr Súleımenov Úkimet otyrysynda.

Investıtsııalyq suranys bir qalypty qarqynmen ósip keledi. Negizgi kapıtalǵa salynǵan ınvestıtsııalar 20,8% ósken.

«Bıylǵy 1 qarashadaǵy jaǵdaı boıynsha altyn valıýta rezervteriniń qysqarýy esebinen (7,6%-ke - 29,1 mlrd AQSh dollaryna deıin) eldiń halyqaralyq rezevteri 2,7% tómendep, 85,6 mlrd AQSh dollaryn qurady. Bul rette, Ulttyq qordyń aktıvteri 0,1% ósý kórsetip, 56,5 mlrd AQSh dollaryna deıin ulǵaıdy», - dedi mınıstr.