Qazaqstanda JІÓ 3% joǵary bolady dep boljanýda

NUR-SULTAN. QazAqparat – Qazaqstanda JІÓ ósý boljamy artýy múmkin. Bul týraly Ulttyq ekonomıka mınıstri Áset Erǵalıev aıtyp berdi, dep habarlaıdy QazAqparat tilshisi.

«Qazir biz Úkimette bıýdjetti naqtylaý aıasynda aldaǵy úsh jylǵa arnalǵan boljamdardyń jańa kezeńin qalyptastyrýǵa kiristik. Atap aıtqanda, 2021 jylǵa arnalǵan boljamymyzdy naqtylaımyz. Bálkim, kishigirim arttyratyn shyǵarmyz. Bul syrtqy-ekonomıkalyq jaǵdaıdyń ózgerýine baılanysty. Sońǵy ýaqytta munaı baǵasynyń qalaı ózgergenin jáne ekonomıkamyzdyń belgili bir sektorlarda qarqyn alyp kele jatqanyn kórip otyrmyz», - dedi spıker Ortalyq kommýnıkatsııalar qyzmetinde ótken baspasóz máslıhatynda.

Áset Irǵalıevtiń aıtýynsha, bıyl JІÓ ósiminiń boljamy 3,1%-ǵa deıin artýy múmkin.

Ótken jyly JІÓ ósimi 2021 jyly 2,8% deńgeıinde bolady dep boljanǵan edi.