Qazaqstanda jyl basynan beri jol apatynan 2077 adam mert boldy
QONAEV. KAZINFORM – Qonaev qalasynda dúnıejúzilik jol apaty qurbandaryn eske alý kúni ótti.
Almaty oblysynyń polıtseıleri jol apaty qurbandaryn eske aldy. Olar jantúrshigerlik apatqa ushyrap, tas-talqany shyqqan kólikterdi qala kóshelerimen alyp ótti. Osylaısha, tártip saqshylary júrgizýshilerdi tártipke shaqyrmaq.
Aktsııa óńir turǵyndaryn, onyń ishinde belsendi jastardy jınady.
«Mundaı aktsııalar jol qozǵalysynyń árbir qatysýshysynyń jeke jaýapkershiligin sezinýge yqpal etedi jáne qaıǵyly jaǵdaılardyń sanyn azaıtýǵa kómektesedi», – dep atap ótti Almaty oblysy Polıtsııa departamenti Ákimshilik polıtsııa basqarmasynyń bastyǵy Erkebulan Ahmetov.
Qara jol qatelikti keshirmeıdi. Jyl basynan beri respýblıka joldarynda 2077 adam mert boldy.
Eske salaıyq, 12 qarasha kúni Almaty oblysynda jol apatynan bir jolaýshy qaıtys boldy.
