Qazaqstanda jyl basynan beri 900-den astam qarý tárkilendi – ІІM
ASTANA. KAZINFORM — Іshki ister mınıstrligi quqyqtyq tártipti qamtamasyz etý sharalaryn kúsheıtedi, onyń ishinde zańsyz aınalymdaǵy qarýdy tárkileý jumystary da bar, dep habarlaıdy Polisia.kz.
ІІM krımınaldyq polıtsııa departamentiniń bastyǵy Qanat Nurmaǵambetovtiń sózinshe, jyl basynan beri 900-den astam qarý tárkilendi, onyń ishinde qańtar oqıǵasy kezinde urlanǵan 74 qarý bar. Sondaı-aq aınalymnan tórt myńnan astam oq-dári alynǵan.
— 27-29 sáýir aralyǵynda elde «Quqyqtyq tártip» respýblıkalyq jedel-aldyn alý is-sharasynyń ekinshi kezeńi ótkizildi. Úsh kún ishinde 67 dana atys qarýy jáne túrli kalıbrdegi 200-den astam oq-dári tárkilendi. 27 sáýir kúni Almaty qalasynda polıtsııa qyzmetkerleri Saıran kóliniń jaǵasynan qańtar oqıǵasy kezinde qarý-jaraq dúkeninen urlanǵan qarýdy anyqtady, — dedi Qanat Nurmaǵambetov.
Іshki ister mınıstrligi zańsyz saqtalǵan qarýdy erikti túrde tapsyrý qylmystyq jáne ákimshilik jaýapkershilikten bosatatynyn eskertti.
— Azamattardy zańsyz saqtalǵan qarýdy tapsyryp, qoǵamdyq qaýipsizdikti qamtamasyz etýge óz úlesin qosýǵa shaqyramyz, — dedi ІІM krımınaldyq polıtsııa departamentiniń bastyǵy.
