Qazaqstanda jıi kezdesetin qaterli isiktiń tórt túri qandaı

ASTANA. QazAqparat - Búginde 200 myńnan astam qazaqstandyqqa qaterli isik dıagnozy qoıylǵan, dep habarlaıdy QazAqparat Ulttyq onkologııa ǵylymı ortalyǵyna silteme jasap.

Onyń ishinde tórt túri óte jıi tirkeledi.

Birinshi orynda - sút beziniń qaterli isigi. Jyl saıyn aýrýdyń 5 myńǵa jýyq jańa jaǵdaıy anyqtalyp, isiktiń osy túrinen myńnan astam ólim tirkeledi.

Ólim-jitim boıynsha sút bezi qaterli isigi tórtinshi orynda.

Qaýip faktory tek tuqym qýalaý men ómir salty ǵana emes, odan bólek genetıkalyq mýtatsııalar, keýdege 30 jasqa deıin júrgizilgen sáýle terapııasy nemese uzaqmerzimdi gormon almastyrý terapııasy da aýrýǵa sebep bolýy múmkin.

Onkologııadan bolatyn ólim-jitim boıynsha 1-orynda turǵan - ókpe isigi. Al taralýy boıynsha bul obyr Qazaqstanda ekinshi orynda.

Oǵan ókpe fıbrozy, temeki shegý, burynǵy sáýlelik terapııa nemese qorshaǵan ortanyń toksınderi sebep bolýy múmkin.

Qatty jótelip, qan ketse, tynys ala almasa, keýdede aýyrsyný, entigý, bet pen moıyn isinse, daýys qarlyqsa, birden dárigerge kóriný kerek.

Úshinshi orynda toq ishek isigi, ol ólim kórsetkishi boıynsha úshinshi orynda. Naýqas álsizdenip, tábeti tómendeıdi, ishi aýyrady, meteorızm bolady, ishek biteledi jáne qan ketedi.

Nájis taldaýy nemese kolonoskopııa arqyly anyqtaýǵa bolady.

Tórtinshi orynda - asqazan obyry. Qaterli isiktiń bul túri ólim-jitim boıynsha ekinshi orynda.