Elimizde jetim balalardyń 83 paıyzy otbasynda tárbıelenip jatyr
Úsh jylda jetim balalarǵa arnalǵan uıymdardyń sany 14-ke azaıyp, 36 balalar úıi balalardy qoldaý ortalyǵyna aınaldy. Bul jaıynda Aqmola oblysyna jumys saparynda Oqý-aǵartý vıtse-mınıstri Edil Ospan aıtty, dep habarlaıdy Kazinform.
«Bıyl 1 qyrkúıekten bastap búkil bilim berý uıymdarynda otbasy, oqýshy jáne mektep arasyndaǵy ózara baılanysty nyǵaıtý maqsatynda Ata-analardy pedagogıkalyq qoldaý ortalyǵy jumysyn bastady. 2023-2025 jyldarǵa arnalǵan Birtutas tárbıe baǵdarlamasy iske asyp jatyr. Ol jalpyadamzattyq jáne ulttyq qundylyqtar negizinde óskeleń urpaqty tárbıeleýge baǵyttalǵan. Úsh jylda jetim balalarǵa arnalǵan uıymdardyń sany 14-ke azaıyp, 36 balalar úıi – balalardy qoldaý ortalyǵyna aınaldy. 22 myń jetim balanyń 83 paıyzy otbasynda tárbıelenip jatyr. Biz jetim balalardy qoldaý úshin kásibı patronat otbasylar ınstıtýtyn engizý ústindemiz», - dep atap ótti Edil Ospan.
Vıtse-mınıstr turǵyndardyń jekelegen suraqtaryna da jaýap berdi.
Turǵyndardy ınklıýzıvti bilim berýdi uıymdastyrý, tehpersonal jáne qosymsha bilim beretin pedagogterdiń jalaqysyn kóterý, muǵalimderdi attestattaýdyń jańa erejeleri qyzyqtyrdy.
