Qazaqstanda jetimder úıiniń sany qysqardy
NUR-SULTAN. QazAqparat - 2016 jyldan bastap ınternattyq uıymdardaǵy jetimder sany 31 paıyzǵa azaıdy. Bul týraly halyqpen esep berý kezdesýinde Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.
«Respýblıkamyza 6 mıllıonǵa jýyq bala bar. Onyń ishinde 2 mıllıony mektepke deıingi jasta, 3 mıllıonnan astamy mektep jasynda, 500 myńy 18 jasqa deıingi oqýdaǵy jastar. Solardyń arasyna 24 926-sy jetim balalar men ata anasynyń qamqorlyǵynsyz qalǵandar», - dedi mınıstr.
BǴM málimetine qaraǵanda, 19 934 bala qamqorlyqqa, patronattyq tárbıege alynǵan, sondaı-aq asyrap alǵan otbasylardyń tárbıesine berilgen. 4 992 jetkinshek balalar úıinde, ınternatta, densaýyq saqtaý júıesindegi balalar úıinde turyp jatyr.
«Qabyldanǵan sharalardyń arqasynda 2016 jyldan bastap ınternattyq uıymdarda jetimder sany 31 paıyzǵa (2016 jyly- 7 236, 2019 jyly- 4 992) azaıdy. Al balalar úıleriniń sany 20 paıyzǵa qysqardy. ıAǵnı, 2016 jyly 140 bolsa, 2019 jyly 112-ge deıin tómendedi», - dedi A. Aımaǵambetov.
