Qazaqstanda jergilikti óndiristen alǵashqy GWM pıkaptary shyqty
ASTANA. KAZINFORM – Astana Motors Almatydaǵy kommertsııalyq tehnıka zaýytynda qytaılyq Great Wall Motor avtokontsertiniń Qazaqstanda óndirilgen pıkaptarynyń alǵashqy partııasyn tanystyrdy.
Qazaqstanda barlyǵy 305 pıkap shyǵaryldy: 233-i Wingle 7, 72-si Poer.
Bul pıkaptar dástúrli túrde naryqta erekshe oryn alady. Olar jeke jeńil avtokólik pen kommertsııalyq tehnıkanyń múmkindikterin biriktiredi. Mundaı modelder bıznes, qurylys jáne aýyl sharýashylyǵynda suranysqa ıe. Wingle 7 men Poer 975 kg-ǵa deıin júk tasymaldaıdy jáne qorǵanys jabyny bar júk platformasymen jabdyqtalǵan.
GWM Poer – tolyq ólshemdi ramaly pıkap, dóńgelek bazasy 3230 mm, gabarıti 5416×1947×1884 mm. 2,0 l týrbo benzın qozǵaltqyshymen (218 a.k.) jabdyqtalǵan. Baǵasy 16 182 800 teńgeden bastalady.
GWM Wingle 7 – naqty sharýaǵa arnalǵan berik ramaly pıkap. Ólshemi 5395x1800x1860 mm, dóńgelek bazasy 3350 mm. Model jaqynda ózgeriske ushyrap, jańa radıator tory, mýltımedııalyq júıe, rýl men ózgeshe dızaındaǵy dóńgelektermen erekshelendi. Tańdaýǵa eki qozǵaltqysh usynylady: 2,4 l benzın (149 a.k., 220 Nm) jáne 2,0 l týrbodızel (143 a.k., 315 Nm). Qazirgi ýaqytta bul Qazaqstan naryǵynda dızel nusqasyn usynyp otyrǵan jalǵyz pıkap. Benzın nusqasynyń baǵasy 12 502 800 teńgeden, al dızel nusqasynyń baǵasy 13 422 800 teńgeden bastalady.
– Pıkaptar – qarqyndy damyp jatqan ámbebap segment. Olarǵa bıznes te, fýnktsıonaldylyq pen komfortty baǵalaıtyn jeke klıentter de qyzyǵýshylyq tanytady. Lokalızatsııa bizge Qazaqstan jaǵdaıyna beıimdelgen tıimdi sheshim usynýǵa múmkindik beredi, - dep atap ótti Haval Motor Kazakhstan dıstrıbýtsııa dırektory Edýard Kýznetsov.
Іs-shara aıasynda túrli jol jaǵdaıynda test-draıv ótti. Pıkaptar júkpen tekserilip, jańbyrly aýa raıynda olardyń basqarylýy men jolda ustaýy baǵalandy.
– Wingle 7 jáne Poer ártúrli qoldaný stsenarııin usynady – jumys pen ámbebap paıdalaný úshin. Olar bızneske de, demalys pen saıahatqa da yńǵaıly, - dedi avtosarapshy Artýr Mıskarıan.
Qazaqstanda GWM brendin resmı túrde Astana Motors kompanııasyna qarasty Haval Motor Kazakhstan usynady. Qazirgi ýaqytta Qazaqstan boıynsha HAVAL krossoverlerin, TANK jol talǵamaıtyn kólikterin, sondaı-aq Wingle 7 jáne Poer pıkaptaryn usynatyn 33 dılerlik ortalyq bar. Tolyǵyraq aqparat Haval Motor Kazakhstan saıtynda jáne 7007 nómiri boıynsha.