Qazaqstanda jergilikti polıtsııa 2016 jyldyń 1 qańtarynan jumysyn bastaıdy
ASTANA. QazAqparat - 2016 jyldyń 1 qańtarynan bastap Qazaqstanda jergilikti polıtsııa jumysyn bastaıdy. Ishki ister mınıstrligi ázirlegen zań jobasy búgin besinshi sessııada jumysyn bastaǵan Parlamenttiń qaraýyna jaqyn kúnderi engiziledi. Bul týraly Ortalyq kommýnıkatsııalar qyzmetinde ótken brıfıng barysynda QR Ishki ister mınıstrligi Ákimshilik polıtsııa komıtetiniń tóraǵasy Igor Lepeha málim etti.
"Búgin Parlament besinshi sessııadaǵy jumysyn bastaıdy. Zań jobasyna sáıkes, jergilikti polıtsııa qyzmetiniń quramyna ýchaskelik ınspektorlar, jol-patrýldik polıtsııa, ıývenaldy polıtsııa, tabıǵatty qorǵaý polıtsııasy, sondaı-aq áıelderdi zorlyq-zombylyqtan qorǵaý, ótinishterdi qabyldaý bólinisteri kiredi", - dep habarlady ol.
Sondaı-aq, zań jobasyna sáıkes, jergilikti polıtsııa ákimdik pen máslıhat aldynda jylyna kem degende eki ret, halyq aldynda bir ret esep berýge mindetteledi.
