Qazaqstanda jergilikti qamtýdy damytý qory qurylady – Energetıka mınıstri
Nurlan Noǵaev qazirgi kezde mınıstrlik munaı-gaz sektory naryǵyndaǵy jergilikti qamtý úlesin ulǵaıtýǵa qabiletti eki bastamany iske asyryp jatqanyn, olardy jaqyn arada iske asyrý josparlanǵanyn jetkizdi.
Onyń aıtýynsha, birinshiden, Jergilikti qamtýdy damytýdyń tikeleı ınvestıtsııalar qoryn qurý eskerilgen. «Shevron» kompanııasy Respýblıka aldyndaǵy óziniń qaıta ınvestıtsııalaý mindettemeleri aıasynda 248 mln AQSh dollar mólsherinde jergilikti qamtýdy damytýdy josparlap otyr. Investıtsııalar tehnologııa men IT, bazalyq taýarlar shyǵarý jáne munaı-gaz sektory men qorshaǵan ortany qorǵaýǵa arnalǵan jabdyqtardyń jekelegen túrlerin qurastyrý boıynsha úsh baǵytqa salynady.
Taratylǵan málimetterge qaraǵanda, 10 jyl ishinde Qor qyzmetiniń Qazaqstan Respýblıkasynyń jalpy ishki ónimine oń áseri shamamen 642 mln dollardy (nemese shamamen 270 mlrd teńge) quraıdy dep josparlanyp otyr.
Qazirgi ýaqytta ımporttalatyn taýarlar men qyzmetterdiń belgili bir bóligi el ishinde óndiriledi dep josparlanýda, bul ımportty 86 mln dollarǵa nemese 36 mlrd teńgege azaıtýǵa alyp keledi.
Ekinshiden, munaı-gaz mashınasyn jasaý men servısti damytý halyqaralyq ortalyǵyn qurylmaq.
Atalǵan Ortalyq jumysynyń maqsaty - jańa óndirister men qyzmet servıstik ortalyqtar ashý. Sonymen qatar, jumys istep turǵan otandyq taýar óndirýshiler men servıstik kompanııalardyń múmkindikterin keńeıtý arqyly Qazaqstannyń munaı-gaz salasy úshin, ıaǵnı úsh operatordyń (NKOK, KPO, TShO) qajettigi úshin taýarlar men kórsetiletin qyzmetter óndirisin oqshaýlaý eskerilgen.
