Qazaqstanda jergilikti bıýdjettiń 45,1%-y 5 aımaqtan túsken

ALMATY. QazAqparat - Qazaqstanda bıylǵy 4 aıda jergilikti bıýdjetke 1,5 trln teńge tústi. Bul rekordty kórsetkish, dep habarlaıdy QazAqparat tilshisi.

«Bıyl qańtar-sáýir aılarynda jergilikti bıýdjetke túsetin túsim kólemi 1,5 trln teńgege artty. Bul kórsetkish jyldaǵy kórsetkishpen salystyrǵanda rekord bolyp otyr. Byltyr osy kezeń aralyǵynda 1,3 trln teńge túsken bolatyn. Bul bıylǵymen salystyrǵanda 7,5%-ǵa az», - delingen Ranking aqparat resýrsynda.

Bıýdjet túsimi eń kóp túsken aımaqtar tórttigin Almaty bastap tur. Munda - 173,6 mlrd teńge túsken. Bul ótken jylǵymen salystyrǵanda 6,8%-ǵa kóp.

Ekinshi orynda Túrkistan oblysy turaqtady. Munda jergilikti bıýdjetke 153,9 mlrd teńge túsken.

Kóshbasshylar úshtigin Almaty oblysy tuıyqtady.

Oblystyq bıýdjettiń kólemi 4 aıda 132,1 mlrd teńgege artqan.

Sonymen qatar, Atyraý, Shyǵys Qazaqstan oblystarynda da 108,7 mlrd jáne 102,8 mlrd teńge túsim túsken.

Atalǵan bes aımaq búkil Qazaqstandaǵy túsimderdiń 45,1%-yn shoǵyrlandyryp otyr.

Transfertterdi eseptemegende jergilikti bıýdjet túsimi 761,2 mlrd teńgege jetti. Bul byltyrǵymen salystyrǵanda 4,5%-ǵa artyq.

Onyń ishinde 708 mlrd teńge salym túsimi bolyp sanalady.