Qazaqstanda jerdi tıimdi paıdalanýdy baqylaıtyn 40-qa jýyq memlekettik qyzmet túri bar
Onyń sózinshe, qazaqstandyqtar úshin Ǵaryshkerler kúni erekshe mańyzǵa ıe, sebebi bizdiń jerimizde aty ańyzǵa aınalǵan ushyrý alańy – Baıqońyr ǵarysh aılaǵy ornalasqan.
Sonymen qatar, biz ǵaryshqa Toqtar Áýbákirov, Talǵat Musabaev jáne Aıdyn Aıymbetov syndy ǵaryshkerlerimizdi jibergen sanaýly elderdiń birimiz.
Memleketimiz osy kúnge deıin ǵaryshtyq tehnologııalardy damytýǵa aıryqsha nazar aýdaryp, ǵarysh salasy boıynsha álemdik naryqta óz ornyn keńeıtýge kúsh salyp otyr.
Qazirgi tańda Qazaqstan orbıtada otandyq jerserikterin, sonyń ishinde Jerdi qashyqtan zondtaıtyn KazEOSat-1 jáne KazEOSat-2 spýtnıkterin basqarady, «Aqkól» jáne «Kókterek» syndy eki jerústi basqarý kesheni bar. KazSat-2, KazSat-3 baılanys seriginen turatyn KazSat ǵaryshtyq baılanys júıesi jumys isteıdi.
«Qazaqstan Ǵarysh Sapary» uıymy jer qoınaýyn paıdalanýshylar úshin www.minerals.gov.kz jáne jerdi tıimdi paıdalanýdy baqylaý úshin «JerInSpectr» sııaqty platformalary bar 40-qa jýyq geoservısti qurdy.
Ǵaryshtyq zertteýler men tehnologııalardyń ulttyq ortalyǵy, álemge áıgili ǵalymdar, professorlar men akademıkter jumys isteıtin 3 ǵylymı ınstıtýt aıasynda ǵylymı-zertteý baǵyttary damýda.
«Men bul kúni ǵarysh salasyna qatysy bar barsha jandarǵa alǵys aıtqym keledi. Olarǵa tabys, kúsh-jiger jáne barlyq josparlarynyń sátti júzege asýyn tileımin! Sizder qajyrly eńbekterińizben ǵarysh salasy men ǵylymnyń damýyna aıtarlyqtaı úles qosyp kelesizder. Jarqyn jobalaryńyz bolashaqta bizdiń urpaǵymyzǵa mura bolyp qalary sózsiz»,-dedi mınıstr.
