Qazaqstanda jerdi qashyqtan basqarýdyń ǵaryshtyq júıesin qurý aıaqtaldy - J.Qasymbek
«Jerdi qashyqtan basqarýdyń ǵaryshtyq júıesin qurý aıaqtaldy. Ol aýyl sharýashylyǵy, tótenshe jaǵdaılar, ekologııa jáne tabıǵatty paıdalaný, jerdi paıdalaný, geodezııa, kartografııa, qorǵanys jáne ulttyq qaýipsizdik jáne taǵy basqa salalardaǵy máselelerdi sheshýge qajetti jerdi qashyqtan basqarýdyń ǵaryshtyq júıesiniń táýelsiz jáne jedel málimetterin alýǵa múmkindik beredi», - dedi ol.
Mınıstrdiń dereginshe, QR Qorǵanys mınıstrligi úshin 2 mlrd. teńgege Jerdi qashyqtan basqarýdyń ǵaryshtyq júıesiniń málimetteri usynyldy.
«Joǵary dáldikti jer seriktik navıgatsııa júıesiniń jerdegi ınfraqurylymy paıdalanýǵa berildi. Ol aýyl sharýashylyǵy, jerdi paıdalaný, geodezııa, kartografııa, úlken ǵımarattardyń qurylystary, qorǵanys jáne ulttyq qaýipsizdik, sonymen birge navıgatsııalyq apparatty metrologııalyq qamtamasyz etý jáne taǵy basqa salalardaǵy mindetterdi sheshý úshin koordınat pen ýaqytty joǵary dáldikpen anyqtaý qyzmetin paıdalanýshyǵa usynýǵa múmkindik beredi», - dedi J.Qasymbek.
