Qazaqstanda Jerdi qashyqtyqtan zondtaý ǵarysh júıesiniń ulttyq operatory aıqyndaldy
ASTANA. KAZINFORM – Premer-mınıstr orynbasary — Jasandy ıntellekt jáne tsıfrlyq damý mınıstriniń 2025 jylǵy 12 jeltoqsandaǵy № 645/NQ buıryǵymen Jerdi qashyqtyqtan zondtaý ǵarysh júıesiniń ulttyq operatory belgilendi.
— «Qazaqstan ǵarysh sapary» ulttyq kompanııasy aktsıonerlik qoǵamy Jerdi qashyqtyqtan zondtaý ǵarysh júıesiniń ulttyq operatory bolyp aıqyndalsyn, — dep kórsetilgen qujatta.
Sondaı-aq qujatqa sáıkes, Jasandy ıntellekt jáne tsıfrlyq damý mınıstrliginiń Aeroǵarysh komıtetine buıryqty belgilengen tártippen resmı jarııalaý jáne mınıstrliktiń ınternet-resýrsynda ornalastyrý tapsyrylǵan.
Buıryqtyń oryndalýyn baqylaý jetekshilik etetin vıtse-mınıstrge júkteledi.
Qujat qol qoıylǵan kúninen bastap kúshine enedi jáne resmı jarııalanýǵa jatady.
Buǵan deıin eýrodepýtat Qazaqstanmen ǵarysh salasynda yntymaqtastyq ornatýdy usynǵan edi.