Qazaqstanda jerdi basqarý júıesiniń ashyqtyǵyna qatysty qujat qaralady
ASTANA. KAZINFORM — Parlament Májilisiniń qaraýyna «QR Jer kodeksine aýyl sharýashylyǵy jerleriniń utymdy paıdalanylýyna baqylaýdy kúsheıtý máseleleri boıynsha ózgerister men tolyqtyrýlar engizý týraly» zań jobasy engizildi.
— Zań jobasynyń maqsaty — jer qatynastaryn quqyqtyq retteýdi jetildirý, quqyqtyq qaıshylyqtar men olqylyqtardy joıý, sondaı-aq jer ýchaskelerin berý, paıdalaný jáne olardyń nysanaly maqsatyn ózgertý rásimderiniń ashyqtyǵy men tıimdiligin arttyrý. Zań jobasy jerdi basqarý júıesiniń ashyqtyǵy men tıimdiligin arttyrýdy, adal básekelestikti damytýdy qamtamasyz etedi. Aýmaqtardyń ornyqty damýyna jáne jerlerdi utymdy paıdalanýǵa yqpal etetin bolady. Osy oraıda Májilistiń Agrarlyq máseleler komıteti atalǵan qujat boıynsha qorytyndy ázirleýge daıyn, — dedi depýtat Serik Egizbaev Májilistiń jalpy otyrysynda.
Aıta keteıik, buǵan deıin shekaramańy óńirlerde jerdi zańsyz berý faktileri anyqtalǵanyn jazǵan edik.
