Qazaqstanda jerasty sýyn basqarýǵa arnalǵan aqparattyq júıeni iske qosý aıaqtaldy

ASTANA. KAZINFORM – Memleket basshysynyń jerústi jáne jerasty sýy týraly barlyq málimetti qamtıtyn biryńǵaı aqparattyq júıe qurý jónindegi tapsyrmasyna sáıkes, Ulttyq gıdrogeologııalyq qyzmet Water Base aqparattyq júıesin ornatý jáne ony iske qosý jumystaryn aıaqtady.

Sý resýrstary jáne ırrıgatsııa mınıstrligi málimetinshe, bıyl júıeni jergilikti jaǵdaıǵa beıimdeý jáne ony Sý resýrstarynyń ulttyq aqparattyq júıesimen ıntegratsııalaý jumystary júrgiziledi.

– Water Base júıesi jerasty sýynyń jaǵdaıyn baqylaýǵa, sý resýrstarynyń tizimin qalyptastyrýǵa, kartalar arqyly kórneki túrde kórsetýge, taldamalyq aqparat daıyndaýǵa, qashyqtaǵy kózderden, sonyń ishinde baqylaý datchıkterinen jedel málimet alýǵa, sondaı-aq basqa uıymdarmen jáne vedomstvoǵa qaraıtyn mekemelermen aqparat almasýǵa múmkindik beredi, – dedi Sý resýrstary jáne ırrıgatsııa vıtse-mınıstri Talǵat Momyshev.

Sonymen qatar Germanııanyń halyqaralyq yntymaqtastyq qoǵamynyń (GIZ) qoldaýymen Ulttyq gıdrogeologııalyq qyzmettiń Ahýaldyq-taldamalyq ortalyǵyn zamanaýı qural-jabdyqtarmen jabdyqtaý jobasy qatar júzege asyrylyp jatyr.

Jerasty sýyn keshendi paıdalanýdyń tujyrymdamasy ázirlenetinin jazǵan edik.

Qazaqstandyq sharýalar egin sýarýǵa jaramdy jerasty sýynyń 0,7%-yn ǵana paıdalanady.