Qazaqstanda jer zańnamasy talaptaryn saqtamaıtyn yjdaǵatsyz jer paıdalanýshylardyń tizimi jasalady

Bul týraly búgin Parlamentte ótken Úkimet saǵatynda QR Jer resýrstaryn basqarý agenttiginiń tóraǵasy Qadyrhan Otarov málim etti.

«Aýyl sharýashylyǵy maqsatyndaǵy jerlerdi tıimdi paıdalaný máselelerin retteý maqsatynda qazirgi ýaqytta agenttik erejesine norma engizildi. Atalǵan normada jergilikti atqarýshy organmen jalǵa alý kelisimshartyn jasasyp, biraq onyń talaptaryn jer paıdalanýshy oryndamaǵan jaǵdaıda birtaraptan sotsyz buzý kózdelgen», - dedi ol.

Sonymen qatar agenttik basshysynyń atap ótýinshe, jer paıdalanýshynyń zańnamany saqtaý óńir ákimderiniń reıtıngine de áser etetin bolady.