Qazaqstanda jer zańnamasy aıasynda 2 myńnan astam zań buzýshylyq anyqtaldy
ASTANA. 9 tamyz. QazAqparat - Bıyl aýmaqtyq ınspektsııalar jer qatynastary sýbektileri tarapynan 2 210 zań buzýshylyqty anyqtady.
Bul týraly búgin Óńirlik damý mınıstrliginiń alqa májilisinde atalǵan vedomstvonyń vıtse-mınıstri Qaıyrbek Óskenbaev málim etti.
1895 oqıǵa boıynsha jalpy somasy 296 mln. teńge kóleminde aıyppul túrinde ákimshilik yqpal etý sharalary qoldanyldy. Al 273 jaǵdaıda eskertý jasaldy. Sonymen qatar 2011 jyly salynǵan 569 aıyppuldyń bıyl 89,9 mln. teńgesi óteldi.
«Birinshi jartyjyldyqta anyqtalǵan buzýshylyqtardyń 53 paıyzy jerge memlekettik menshik quqyn buzý turǵysynda, 15 paıyzy aýyl sharýashylyǵy maqsatyndaǵy jerlerdi tıimsiz ıgerý nemese paıdalanbaýǵa qatysty, al 17 paıyzy jerdi maqsatsyz paıdalanýǵa baılanysty bolyp otyr»,-dep naqtylady vıtse-mınıstr.
