Qazaqstanda jer telimderin alý úshin ruqsat berý protsedýralary sanyn qysqartý josparlanýda

Bul týraly KTK telearnasyndaǵy «Halyq qyzmetshisi» baǵdarlamasyna suhbat bergen QR Premer-Mınıstriniń birinshi orynbasary - Óńirlik damý mınıstri Baqytjan Saǵyntaev aıtty.

Onyń atap ótýinshe, Qazaqstanda mol qarjylyq qamtamasyz etilýmen kóptegen memlekettik baǵdarlamalardyń júzege asyrylýyna baılanysty atalǵan qarjyny bóletin sheneýnikterde onyń belgili bir mólsherin qaltaǵa basý oıy týyndap jatady. Bul atalǵan aqshany alý tıisti adamdarmen baılanys barysynda júzege asyrylady. Sondyqtan da qazirgi ýaqytta bul baılanystardy tómendetýge baǵyttalǵan jumystar júrgizilýde.

Atap aıtqanda, jer ýchaskelerin alý úshin ruqsat berý protsedýralarynyń sanyn qysqartý josparlanýda. Qazirgi ýaqytta mundaı protsedýralardyń sany shamamen 35, al ony alýǵa birshama ýaqyt qajet. Mór basyp, qol qoıatyn sheneýniktermen árbir baılanysqan saıyn jemqorlyq jaǵdaı týyndaıdy. Al bul protsedýralardy álemdik tájirıbeni eskere otyryp, ońtaılandyrǵannan keıin tek úsheýi ǵana qalady.