Qazaqstanda jer qoınaýyn paıdalanýǵa balamaly salyq engizildi

 ASTANA. QazAqparat - Qazaqstanda jer qoınaýyn paıdalanýǵa balamaly salyq engizildi. Bul týraly QR Qarjy mınıstrligi Memlekettik kirister komıtetiniń ókili Shafkat Qudabaev málim etti, dep habarlaıdy «QazAqparat» HAA tilshisi.

«Teńiz jáne shekten tys tereńdiktegi kómirtegi shıkizatyn óndirýdi yntylandaryý maqsatynda jer qoınaýyn paıdalanýǵa balama salyq engizildi»,-dedi Shafkat Qudabaev.

Onyń sózinshe, bul qosymsha salyq emes. Ol paıdaly qazbalar salyǵy, tarıhı shyǵyndardyń ótemin tóleý, jospardan tys joǵary kiris salyǵy, munaı eksportynyń rent salyǵyn tóleý sııaqty jer qoınaýyn salyq mindettemelerin balamaly túrde atqarýyna jasalǵan múmkindik ispettes.
«Jer qoınaýyn paıdalanýǵa salynǵan balamaly salyq syıaqy mólsheri men baǵam aıyrmashylyǵyn eseptemegende korporatıvti tabys salyǵyna uqsas»,-dep túsindirdi Shafkat Qudabaev.

Jer qoınaýyn paıdalanýdyń balama salyǵynyń basty ereksheligi ol jer qoınaýyn paıdalanýshylar tarapynan bir ret tańdap alynyp, kelisim merziminiń sońyna deıin ózgerissiz qoldanylady.