Qazaqstanda jer qoınaýyn paıdalaný jumysy barynsha jeńildetiledi
ASTANA. QazAqparat - Búginde "Jer qoınaýy jáne jer qoınaýyn paıdalaný týraly" Kodeksti ázirleý aıasynda geologııalyq barlaý salasyna qarjyny kóptep tartyp, ınvestorlar úshin qolaıly jaǵdaı jasaý qarastyrylyp otyr.
Ol úshin jer qoınaýyn paıdalaný jumysyn barynsha jeńildetý josparlanǵan, dep xabarlaıdy QazAqparat tilshisi.
"Qazirgi kezde Kodekstiń bastapqy nusqalary shyqty. Olarmen tanysýǵa bolady. Endigi maqsat - sol qujattardy alyp, el-eldi aralap, ń barlyq tarmaqtaryn keńinen talqylaý. Onda kóp ózgerister engizilip jatyr. Negizgi másele, ınvestıtsııalardy kótep tartý úshin kóp nárseni yqshamdap ońtaılandyrý qajet. Sosyn xalyqaralyq standarttarǵa kóshý kerek. Ony istemesek, bırjalar men bankiler bizdiń esepterimizdi almaýy múmkin. Sodan bankiden nesıe alý qıyndap ketedi. Budan bólek, qazirgi kezde ınvestorlar esepti eki jaqqa da jasaýǵa májbúr. Qazaqstannyń ishki zańy boıynsha bir esep, ekinshisi - ózderiniń ınvestorlaryna. Sondyqtan bárin biriktirip, bir esepke keltirý kerek. Bul másele jańa Kodekste bar. Áıtpese, qazirgi zańnama aıasynda bir adam úıin salaıyn dese, topyraq ta ala almaıdy. Óıtkeni munaı uńǵymasyn ashatyn kásipker sııaqty barlyq protsedýralardan ótýge májbúr", - deıdi QR Investıtsııalar jáne damý mınıstrligi Geologııa jáne jer qoınaýyn paıdalaný komıtetiniń tóraǵasy Bazarbaı Nurbaev.
Onyń aıtýynsha, kelesi jyly maýsym aıyna deıin "Jer qoınaýy jáne jer qoınaýyn paıdalaný týraly" Kodeks Parlament Májilisiniń qaraýyna jiberilýi tıis. Al 2018 jyldan bastap ony iske asyrý qajet.
