Qazaqstanda jer qoınaýyn paıdalaný quqyǵyna qatysty aýktsıonǵa ótinish qabyldaý bastaldy
«Jer qoınaýy paıdalaný quqyǵyn alýǵa múddeli barlyq tulǵalar aýktsıon ótkizýge arnalǵan ótinishti «Aqparattyq-esepteý ortalyǵy» AQ elektrondyq aýktsıondar operatorynyń saıtynda bere alady (www.gosreestr.kz). QR Energetıka mınıstrligimen kelisilgen QR Indýstrııa jáne ınfraqurylymdyq damý mınıstrliginiń 2022 jylǵy 7 aqpandaǵy buıryǵymen Memlekettik jer qoınaýy qoryn basqarý baǵdarlamasy bekitildi, oǵan aýktsıon negizinde jer qoınaýyn paıdalaný quqyǵyn berý úshin 60 jer qoınaýy ýchaskesi engizilgen», - delingen Energetıka mınıstrligi málimetinde.
Aýktsıondy ótkizýge arnalǵan ótinishter qaralǵannan keıin ,QR Energetıka mınıstrliginiń resmı ınternet-resýrsynda kómirsýtekter boıynsha Jer qoınaýyn paıdalaný quqyǵyn berýge arnalǵan elektrondyq aýktsıon ótkizý týraly habarlama (budan ári – Habarlama) jarııalanady.
«Habarlamada sizder mynadaı aqparattarmen tanysa alasyzdar: geografııalyq koordınattar, qol qoıylatyn bonýstyń bastapqy mólsheri, barlaý kezeńinde jer qoınaýy ýchaskesindegi jumystardyń kólemi men túrleri boıynsha eń tómengi talaptar jáne olardyń baǵalaý quny týraly, sondaı-aq aýktsıonǵa qatysýǵa ótinishter berý merzimderi, aýktsıondy ótkizý kúni men ýaqyty. Aýktsıonǵa qatysýǵa arnalǵan ótinishter Energetıka mınıstrliginiń saıtynda habarlama jarııalanǵan kúnnen bastap 2 aı ishinde qabyldanady (Kodekstiń 95-babynyń 4-tarmaǵy). Aýktsıondy ótkizý kúni habarlamada kórsetiledi», - dep atalyp ótken vedomstvo habarlamasynda.
