Qazaqstanda jer qatynastary týraly zańǵa túzetýler engiziledi

NUR-SULTAN. QazAqparat - Bul týraly QR Aaýyl sharýashylyǵy mınıstrliginiń alqa otyrysynda jer resýrstaryn basqarý komıtetiniń tóraıymy Gúljahan Bımendına málimdedi, dep habarlaıdy QazAqparat.

«Memleket basshysynyń aýyl sharýashylyǵy jerlerin tıimdi paıdalaný týraly tapsyrmasyn oryndaý úshin QR Aýyl sharýashylyǵy mınıstrligi paıdalanylmaıtyn jerlerge salyq mólsherlemesin 20 ese arttyrdy. Salyq mólsherlemesin kóterýdi kózdeıtin zań 10 jeltoqsanda qabyldandy. Bul paıdalanylmaıtyn aýyl sharýashylyǵy jerlerinen óz erkimen ekonomıkalyq turǵyda bas tartýdy kózdeıdi», - dedi jer resýrstaryn basqarý komıtetiniń basshysy.

Sonymen qatar, bıyl AShM «jyljymaıtyn múliktiń biryńǵaı memlekettik kadastry sheńberinde memlekettik qyzmetterdi tsıfrlandyrý máseleleri boıynsha QR keıbir zańnamalyq aktilerine ózgerister men tolyqtyrýlar engizý týraly» zań jobasyn ázirledi.

Ol jer zańnamasyn jetildirýge, jer ýchaskelerin berý tártibiniń rásimderin jeńildetýge, jer qatynastary salasyndaǵy qyzmetterdi tsıfrlandyrý arqyly halyqtyń memleketpen ózara is-qımylyn qysqartýǵa baǵyttalǵan.

Qujat QR Parlamenti Májilisine engizildi.

Komıtet qosymsha paıdalanylmaıtyn aýyl sharýashylyǵy jerlerin tekserý kezeńin jáne qaıtaryp alý merzimin 2 jyldan 1 jylǵa deıin qysqartýdy kózdeıtin zań jobasyn ázirledi.