Qazaqstanda jer qatynastary máselelerin halyqqa túsindiretin 300 myńdaı zańger kerek - semınar-keńes
ASTANA. 10 sáýir. QazAqparat - «Paraqorlyqpen kúrestiń eń ońtaıly joly - halyqqa ulttyq mádenıetti, zań buzylǵan jaǵdaıda qaıda barý qajettigin úıretý»,-deıdi Qarjy polıtsııasy akademııasynyń professory Bekaıdar Toılybaev.
Bul pikirin ol búgin «Qazaqstan Respýblıkasynyń Jer resýrstaryn basqarý agenttigindegi jemqorlyqpen kúres» atty taqyrypta ótken semınar-keńes barysynda bildirdi.
Onyń aıtýynsha, elimizdiń aýyldyq aımaqtarynda zańgerler jetispeıdi.
«Men jeke ózim osyǵan deıin 15 ákimshilikke kirip shyqtym. Olardyń bireýinde de zańger mamany joq. 15 aýyldyq okrýgte barlyq mamandar bar, biraq zańger joq. Sonda elimizdegi jer qatynastaryn retteıtin zańdardy halyqqa kim túsindiredi. Sondyqtan aýyl ákimdikterine tez arada memleket tarapynan qarjy tólenetin shtat berý kerek. Onyń qyzmetiniń qajettiligin dáleldeý kerek. Qazaqstanda jer qatynastaryna qatysty máselelerdi halyqqa túsindiretin 300 myńdaı zańger kerek»,-deıdi ǵalym.
